ایران ده جمهور رئیس ایتیب سیلنگن رئیسی نینگ سیاستی حقیده تحلیل یازووی

ایران نینگ ینگی جمهور باشلیغی ابراهیم رئیسی نینگ جمهور رئیسلیگی اوتگن هفته علی خامنه یی تامتانیدن تایید ایتیلدی و رئیسی رسمی بیر مراسم آرقه لی وظیفه سینی آلدی. کیین ایسه اسلامی کینگش مجلسیده بولیب اوتگن مراسم آرقه لی جمهور رئیس قسم یادایتیب رسمی روشده وظیفه گه باشله دی. ایران نینگ قوشنی لری بیلن مناسبتنی یخشیراق قیله جگی و تورلی ساحه لرده رواجلنتیره جگی بوییچه پیاملر، سیلاو کمپاینیده رئیسی تامانیدن تیلگه آلینگندی. سیلنگندن کیینگی ایلک مطبوعاتی کنفرانسده هم رئیسی سعودی عربستان بیلن مناسبتلرینی نورماللشتیریلیشی بوییچه آرزوسینی تیلگه آلگندی. نورماللشوو جریانی ایسه بیر مدتدن بیری عراق نینگ واسطه چیلیگیده دوام ایتیب بارماقده. بونگه قرشی اوله راق سونگگی پیتلرده سوریه بیلن عراق هم ایران گه یقین شیعی جنگری گروپلرده هم بیر حرکت لیلیک کوریلماقده. دراده ایران حمایه سیده گی گروپلر قول اورگن هجوملر و محاصره بیلن پالمیرا شهریده انقلاب محافطلری اردوسی نینگ تونل قازیش گه باشلشی کبی حادثه لر ایران نینگ سوریه ده گی تاثیری نینگ ابراهیم رئیسی بیلن بوندن آرتیق کوپه یشینی کورسته دی. روسیه نینگ سوریه نینگ هوا مدافعه تیزیملرینی مودرنلشتیره جگی بوییچه بوییچه ینگیلیکلر هم سونگگی ییللرده اسرائیل هجوملریدن کتته زیان ییتگن سوریه ده گی ایران کوچلری نینگ فایده سیده بوله دی.

خوفسیزلیک بوییچه تیکشیرووچی مراد یشیل تاش نینگ فکر و ملاحظه‌لرینی اعتبارینگیزگه حواله‌ قیله‌میز .

عراقده هم شونقه بیر عسکری حرکت لیلیک بار. قنچه ده امریکا قوشمه ایالتلری برچه حربیلرینی عراقدن چیقرمسه هم هشدی شعبی گروپلری نینگ سونگگی پیتلرده گی حرکت و بیاناتلری امریکا قوشمه ایالتلری حربیلری چییقندن کیین او خالیگاهنی تولدیریش اوچون تیارگرلیک کورگن لیکلری توشونیلماقده. شونده ی بولیب عراقده کم وقت قالگن پالمان سیلاولری آلدی ایران حمایه سیده گی گروپلرنینگ فعالیتلری نینگ کوپه ییشی کوتیلماقده.

رئیسی نینگ وظیفه گه باشلشی عمان دینگیزی و بصره کورفزیده یوز بیرگن بیر قطار معمانی کوپه یتیرووچی حرکت بیلن بیر وقتگه برابر بولدی. اولاً 29 جولایده عمان دینگیزیده اسرائیل گه باغلیق مرکر ستریت آتیده گی بیر نفت تانکری درونه هجومی گه دوچ قالدی. اسرائیل، امریکا قوشمه ایالتلری و انگلستان بو هجومدن ایراننی مسؤل توتدی. اسرائیل و امریکا قوشمه ایالتلری جبهه سیدن بیریلگن بیاناتلر ایران گه قرشی قتّیق کوچ قوللش نی مطرح قیلدی. انگلستان بیلن ایران نینگ مناسبتلری نینگ بحرانی لشیشی هسته ای مذاکره لری نینگ کیله جگی جهتیدن هم جوده مهم. چونکه امریکا قوشمه ایالتلری بیلن مستقیم اوچره شماقچی بولمه گن ایرانلیک دیپلوماتلر، انگلستان و ایریم هسته ای مذاکره لرگه تامان بولگن اولکه لرنینگ واسطه چیلیگی بیلن وینده گی مذاکره لرگه قتنشماقده ایدیلر.

کیینکی کونلرده ایسه بیرلشگن عرب امیرلیکلری نینگ فجیرا بندری دینگیز ساحه سیده پاناما تاپه لی اسفالت پرنسیس آتیده گی ایریم بیر کیمه گه هجوم اویوشتیریلگن لیگی و کیمه نی قولگه آلیش بیلن ایران سوو ساحه سیگه تارتیلماقچی بولگن لیگی ادعا بولدی. هجومچیلرنینگ کیمه نی قولگه آلیش گه موفق بولمه گن لیکلری و قاچیب کیتگن لیکلری ایتیلدی. بو حادثه دن هم ایران نینگ مسؤل ایکن لیگی بیلن عیبلندی. تهران باشقرووی ایککی حادثه بیلن عیبلاولرنی رد ایتدی. ایران باشقرووی بونقه حرکتلرنینگ و عیبلاولرنینگ ایران قرشی قول اوریله دیگن بیر هجوم نینگ سسبلنتیریش ایکن لیگینی ادعا ایترکن اسرائیل بیلن امریکا قوشمه ایالتلرینی آگاهلنتیردی.

محافظه کار جمهور باشلیغی ابراهیم رئیسی اوزیدن آلدینگی باشقروودن فرقلی اوله راق ایران نینگ تشقی سیاسی هدفینی امریکا قوشمه ایالتلری و اروپا بیرلیگی اولکه لری بیلن مذاکره لردن قوشنیلر بیلن مناسبت نینگ رواجلنتیرماقچی کبی کوریله دی. امریکا قوشمه ایالتلری و اسرائیل بیلن ساحه ده آرتیب بارگن بحران نینگ خوددی شو قیتیش نینگ سبب ایکن لیگینی ایتیش ناتوغری بولمه یدی. بایدن باسقیچی نینگ ترامپ باشقیچی گه قره گنده فرقلی بیر ایران سیاستی اورته گه قویمه گن لیگی هم جریاننی بونقه دوام ایتیش سببلریدن بیرته سی دیر. رئیسی بیرگن بیاناتلریده هسته ای کیلیشووگه مخالف ایمس ایکن لیگینی ایتگن حالده کیلیشوو جریانی و باشقرووی موضوعیده روحانی و تیمیدن فرقلی بیر نقطه ده ایکن لیگی اورته ده. کیلیشیش احتمالینی ضعیف قیلگن بو وضعیت منطقه ده گی بحران دوام ایتگن تقدیرده بیر کیلیشوو زمینه سی هم امکانسیز کبی کوریله دی. اگر رئیسی تعیین قیله دیگن تشقی ایشلر وزیری امیر حسین عبدالله یان کبی انقلاب محافظلریگه یقین بیر دیپلومات بولگنده ایران نینگ روسیه و چین گه تاباره یقین بوله جگی بیر باسقیچ نینگ کوریلیشینی ایتیش ممکن بوله دی.  

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.