تورکیه نینگ ادیرنه ولایتیده جایلشگن تاریخی سلیمیه مسجدی

سلیمیه جامع مسجدی تورکیه نینگ اینگ مهم تاریخی اثر لریدن بیری نی تشکیل ایتماقده... عثمانی دوری دن قالگن تورک معماری اثری دن عبارت اوشبو مسجد. خوددی شوو مسجد جهان تاریخیده هم اوزی گه خاص بیر اورین گه ایگه البته که. 

سلیمیه جامع مسجدی, استانبول نینگ فتح ایتیلمسدن آلدین عثمانی دولتی نینگ پایتختی بولگن ادیرنه ده 16- عصرده قوریلگن.  جهان نینگ اینگ مهم معمار لریدن بیری بولگن معمار سنان نینگ اثری دن عبارت خوددی شوو مسجد...

ایککینچی سلطان سلیم تامانیدن قوردیریلگن اوشبو جامع مسجد بیلن مجتمع سی, هر جهت دن نه فقط اوز دوری بلکه کیینگی دور لرنینگ هم اینگ مهم اثر لری دن بیری اوله راق قبول قیلینماقده.

اینگ مهم اثر لردن بیری بولگن سلیمیه جامع مسجدی نینگ قوریلیش ایش لری 1568 – ییلیده باشلب, 1575 – ییلده تکمیل بولگن. خوددی شوو مسجد نینگ قوریلیش ایشلریده 15 مینگ کیشی ایشله گن.  اوشبو مسجد نی جوده اوزاق دن هم کوریش ممکن. بیراق ایچی گه کیریشینگیز تقدیرده ایچیده گی اثر لر نی کوریب حیران بولیب قاله سیز البته که. 

سلیمیه جامع مسجدی ده گی قبه, معمار سنان نینگ اوز ساحه سیده قنچه لیک ماهر بولگن لیگی نی کورستماقده.  بونده ی کینگیش بیر قبه نینگ موجود بولیشی گه قره می, مسجد ایچی نینگ ستون لر بیلن بولینمه گن لیگی کورینماقده.  اوشبو مسجد ده بیر وقت نینگ اوزیده 6 مینگ کیشی نینگ عبادت قیلیشی ممکن.  مذکور مسجد نینگ تورت تامانیده هر بیری اوچ شرفه لی تورت منار موجود.  اوشبو منار لرنینگ ایچی گه ایسه زینه لر جایلشتیریلگن وضعیتده. 

جهان بویلب جوده کتته اثر لر قالدیرگن معمار سنان, اوشبو مسجد نی استاد بولیب ییتیشگن پیتده قورگن لیگی نی بیلدیرگن.  اینیقسه مسجد نینگ ایچیده استفاده قیلینگن تاش, مرمر, تخته, صدف و چینی موتیف لر بیلن قبه, مسجد نینگ صحنی, کتابخانه سی و تعلیمی مرکز لری اوشه دور نینگ اینگ مهم صنعت اثر لری نی نمایان قیلماقده. 

معمارلیک صنعتی نینگ اینگ مهم اثر لریدن بیری بولگن سلیمیه جامع مسجدی 2011- ییلیده یونسکو جهان میراثی لستی گه کیریتیلدی.