تورکیه جمهور باشلیغی ایردوغان رسمی سفر آرقه لی اسپانیاگه سفر اویوشتیردی

ایردوغان اوشبو سفر دایره سیده بیر قطار اوچره شوو اوتکزه دی

2152247
تورکیه جمهور باشلیغی ایردوغان رسمی سفر آرقه لی اسپانیاگه سفر اویوشتیردی

تورکیه جمهوریتی جمهور باشلیغی رجب طیب ایردوغان، ایککی کونلیک رسمی سفر آرقه لی اسپانیاگه تشریف بیوردی.

جمهور رئیس ایردوغان سفری نینگ بیرینچی کونیده پایتخت مادریدده اسپانیا قرالی 6- فلیپه بیلن ایرته گه ایسه اسپانیا باش وزیری پدرو سنچیز بیلن اوچره شوو اوتکزه دی.

جمهور باشلیغی نینگ سفری چاغیده گی موضوعلردن اینگ مهمی غزه بوله دی. اسرائیل نینگ منطقه گه قره تیلگن هجوملری نینگ توخته تیلیشی و دایمی تینچلیک اوچون آتیله دیگن آدیملر تیلگه آلینه دی.

اسپانیا 28 می تاریخیده فلسطین نی رسمی روشده تن الگن لیگینی اعلان قیلرکن، ایردوغان بو قرارنی تقدیرله گنینی بیلدیرگندی.

خوددی شو سفرده گلوبال مقیاسیده ینگیلیکلر قاله ویرسه تورکیه – اسپانیا مناسبتلری تیلگه آلینه دی.

ایردوغان شونده ی قیلیب باش وزیر سنچیز بیلن بیرگه لیکده تورکیه – اسپانیا اورته سیده گی 8- حکومتلرارا جلسه گه باشچیلیک قیله دی.

جلسه ده تجارت، اقتصاد، مدنیت و سپورت ساحه لریده کوپلب کیلیشووگه قول قوییلیشی ریجه لنماقده. جمهور باشلیغی ایردوغان نینگ تورک و اسپانیالیک سوداگرلر بولگن تجارت ییغینی نینگ آچیلیشی گه قتنشیشی کوتیله دی.  



علاقه لی ینگی لیکلر