یاش تونس دموکراسیسی نینگ اوستیده گی بویوک یوک

یاش تونس دموکراسیسی نینگ اوستیده گی بویوک یوک

عرب بهاری نینگ بوشیگی تونس قیین بیر دوره نی اوتکزماقده. اولکه مهم مسأله لر بیلن دوچ کیلگن. ذین العابدین بن علی نینگ خلق نینگ کودتا برپا قیلگن لیگی نتیجه سیده تخت دن توشیریلگن 2011 نچی ییل دن بویان گچه 6 باش وزیر اوزگردی. خوفسیزلیک، ایش سیزلیک و استقرارسیزلیک جدی بیر توسیق بولیب تورگن. اقتصادنینگ سرعتی جاری ییل نینگ ایلک 3 آیی جریانیده 1 فایزنی اوتالمه دی. تونس دیناری دالرگه قرشی اوز بهاسینی قولدن بیردی. ایش سیزلیک 15 فایزدن یوقاری اوتیب کیتگن. توریزم بوییچه عائیدی بولگن تونس ده 2015 نچی ییل یوز بیرگن تروریستیک حادثه باعث بو سکتورگه علاقه قالمه گن. باشقه بیر تاماندن 2011 نچی ییل ده گی انقلاب دن آلدینگی دولت اداره لریگه ینگی لیکل کیلتیریلمه گن لیگی اوچون فساد و رشوت کوپه ییب کیتگن. عرب دنیاسی گه نمونه بوله دیگن دنیانینگ اینگ یاش دموکراسی لریدن بیرته سی بولگن تونس ده مسدله لرنی دموکراتیک رژیم چوکاتیده قالیب حل قیلیشی هم اولکه نینگ همده اورته شرق اوچون جوده مهم دیر.

اولکه ده گی معمالر باعث باش وزیر حبیب السید حکومت نی سونگی ایککی آی جریانیده ترک ایتیشی اوچون کوپ جدی فشار آستیگه آلیندی. باش وزیر بیلن هم حزب بولگن جمهور رئیس الباجی قائد السبسی نینگ جون آیده حکومتنی تنقید ایتگن لیگی و ینگی بیر ملی بیرلیک حکومتی نینگ ایجاد ایتیلیشی نی تکلیف ایتگن لیگی نینگ آرتیدن حکومت نینگ سرنوشتی معلوم بولدی.

31 نچی جولایده تونس پارلمانی نینگ 118 اعضاسی الصید حکومتی گه اعتمادسیزلیک رای بیردی. بیر نیچه کون کیین جمهور رئیس السبسی یینه اوز حزبیدن الصید حکومتی نینگ وزیرلریدن یوسف الشاهدنی ینگی حکومتی ایجاد ایتیشی اوچون وظیفه تاپشیردی.

اساساً السبسی نینگ حزبی نیداء تونس حزب ایچیده گی کیلیشمس لیک نتیجه سیده 22 نفر ملت وکیل نینگ استعفا ایتیشی باعث پارلملن ده گی اکثریت نی قولدن بیردی. بوگون اسلام دنیاسی نینگ سیاسی متفکرلریدن بولگن رشید گوننشی نینگ حزبی نهدا اولکه ده گی باریک شرایط باعث باش وزیرنی اوزی حزبیدن بیر کیشی نی سیلنیشی گه مخالف ایمس. دموکراسی و سیاسی اقتدارنینگ میدانگه کیلیشی گه اولویت بیرماقده. دموکراسی نینگ برطرف ایتیلیشی نینگ اینگ کوپ اوز گروهی گه تأثیر قالدیررلیگینی بیله دی.

باش وزیرلیک وظیف سینی اوز حزبی ملت وکیللریدن بیر کیشی گه بیریلیشینی طلب قیلمه ی تورگن نهدا حرکتی هم ملی بیردم لیک فکرینی حمایه قیلماقده. کوپراق حزب بیلن ایجاد ایتیله دیگن بیر حکومت نینگ قیین بولرلیگی آشکاردیر، بیراق بونینگ ایریم فرصت لری هم موجود. حکومت ئآله ئدیگن رادیکال ینگی لیکلرگه کتته بیر حمایه جوده مهم دیر. آلینه دیگن ینگی لیکلر اوچون وسیع بیر کیلیشوو شرط دیر.

یاش دموکراسی تونس هنوز هم ایسکی اداره لردن عبارت بیر زمین ده آلیب باریلماقده. بیراق ایسکی دوره نینگ منفعتچی لریگه قرشی توروب ینگی لیکلر کیلتیریش قیین ایش بوله دی. ضروری ینگی لکلرنی کیلتیریش و منفعتچی لرگه قره ته مقاومت قیلیب اولرنی برطرف ایتیش اوچون بویوک بیر نفوس نینگ حمایه سیگه ضرورت بار دیر. بو هم بویوک ملی بیردملیک حکومتی بیلن ممکن دیر.

عین دمده حکومت نینگ وسیع بیر کتله گه یاییلگن لیگی جمهور رئیس نینگ حزبی و ایجاد ایتیله دیگن ائتلاف حکومتی نینگ اساسی حزبی نیدا تونس ده یوز بیرگن منفی ح-ادثه لرگه قرشی بیر بهانه بوله دی. نیدا تونس دن جدا بولیب ایریم حزب قورگنلرنینگ یگانه بهانه سی جمهور عائله حزبی قیلگن لیگی و اوغلی حافط قاضی السبس نینگ حزب ایچیده کون سایین اوز تأثیرینی قالدیرگن لیگی دیر. حکومتنی ایجاد ایتیش اوچون وظیفه بیریلگن یوسف الشاهدنینگ قومی بولگن لیگی بیر نمونه دیر.

حزب ایچیده گی بو ادعالرنینگ ملی بیر حکومت بیلن آسانراق حل بولرلیگینی ایتیش ممکن. چونکه بویوک نفوس لی بیر بیردم لیک حکومتی نینگ اوزاق مدتلی و موفق بولیشی ائتلاف حکومتی نینگ اساسی حزبی نینگ منفی جهتلرینی یاپیب قویرلیگی معلوم. اورته شرق و شمالی افریقانینگ آینده سی عرب اورته شرقیده بیر دموکراسی مودلی اوله راق موجودیتینی دوام ایتیب تورگن تونس دموکراسیسی نینگ کیلجک ده گی سیاسی استقراری گه و قانون استوارلیگی گه قره ته بیر رژیم نینگ ایجاد ایتیلیشی گه باغلیغ دیر. تونس لیک سیاسی لرنینگ بو وضعیت نی بیلیب حرکت ایتیش لری هم تونس و اورته شرق نینگ کیلجگی گه همده اروپانینگ خوفسیزلیگی گه مستقیم تأثیر قالدیره دی.