اسرائیل نینگ فلسطین گه قره تیلگن عملیاتی

اسرائیل, اوچ نفر یهودی نینگ فلسطین لیک لر تمانیدن آلیب قاچریلگن لیگی نی ادعا ایتیب, جون آیی نینگ ۱۲ نچی کونیدن بیری غزه نی بمباردمان ایتیب کیلماقده. اوشبو هجوم لر اسرائیل نینگ ایلک هجومی دن عبارت ایمس. بلکه اونلب ییل دن بیری خودی منه شوندای فعالیت لری نی دوام ایتترماقده اسرائیل. سونگگی هجوم لر عاقبتیده یوزلب کیشی جان بیردی. عینی دمده یوزلب کیشی نینگ یاره لنگن لیگی هم کوریندی اوشبو هجوم لر عاقبتیده. ۱,۵ میلیون فلسطین لیک نینگ یشیتگن غزه ینه بیر مرته سیس سیز بولیب قالدی. بوندن تشقری غربی نوارده یشیتگن فلسطین لیک اداره چی لر, پارلمان اعضالری و وزیر لر داخل قریب ۵۰۰ نفر سیاستچی نظارت آستی گه آلیندی. اوشبو عملیات لرنینگ ینه ده کینگییب کیتیشی نینگ ممکن ایکن لیگی ادعا ایتیلماقده. خودی منه شو وضعیت نینگ اوزی اسرائیل بیلن فلسطین آره سیده گی ینگی بیر اوروش معنی سی گه کیلماقده.
هر دایم بولیب کیلیتگن لیگی دیک, اسرائیل بو گلگی عملیاتی نینگ سببی نینگ هم فلسطین لیک لرنینگ تروریستیک فعالیت لری دن عبارت ایکن لیگی نی بلدرماقده. براق, اوشبو تروریستیک فعالیت لر بیلن علاقه لی ادعا لرنینگ اساس سیز ایکن لیگی و عملیات نینگ ایسه موازنه سیز و بیر قیرغین دن عبارت ایکن لیگی نی جوده آز تمان لرنینگ بلدریش کوچی گه ایگه ایکن لیگی کورینماقده. شوندای آلیب قره گنده آلدینگی هجوم لری ده بولگن لیگی دیک اسرائیل نینگ بوگلگی هجوم لری گه قرشی هم دنیا نینگ هیچ قندای بیر عکس العمل کورستمه گن لیگی کوزگه تشلنماقده. امریکا قوشمه ایالت لری بیلن غربی اولکه لر تمان لرنینگ معتدل بیر سیاست آلیب باریشی کیره ک ایکن لیگی نی بلدردی. براق, اوشبو سوزلر اسرائیل نینگ عملیات لری نینگ توخته تیلیشی اوچون ییترلیک بولمه دی. باشقه بیر تماندن ایسه منطقه ده گی ایریم اولکه لرنینگ رهبر لری نینگ اسرائیل نینگ اوشبو هجوم لری گه قرشی قتتیق عکس العمل کورستگن لیک لری کوریندی. خودی منه شو موضوع بیلن علاقه لی ترکیه جمهوریتی جمهوررئیسی عبدالله گل و ترکیه جمهوریتی باش وزیری رجب طیب اردوغان نی مثال قلیب کورسه تیشی میز ممکن.
شوندای قلیب جون آیی نینگ ۱۲ نچی کونیده باشلب کیتگن اسرائیل نینگ غزه گه قره تیلگن هجوم لری نینگ توختاو سیز روشده دوام ایتیتگن لیگی کورینماقده. اوشبو معما نینگ اساسی سببی اسرائیل نینگ میلادی ۱۹۶۷ نچی ییلی ده فلسطین حدود لری دن عبارت بولگن غزه و غربی نوار نی اشغال ایتگن لیگی دن عبارت. اسرائیل, بیرلشگن ملت لر تشکیلاتی خوف سیزلیک کینگشی نینگ قرار لری, یعنی, خلق ارا حقوق گه ضد بیر شکل ده اوشبو اشغالی نی حاضرگی کونده هم دوام ایتترماقده. اسرائیل فقط گینه اوشبو حدود لر نی اشغال ایتمه گن, عینی دمده, خودی منه شو حدود لر ده یشیتگن معصوم انسان لر گه قرشی حربی عملیات اویشتریب کوپلب کیشی لر نی قَمَب قویگن. بوندن تشقری اسرائیل غزه گه قرشی تحریم تطبیق ایتیب اوشبو جغرافیه نینگ دنیا بیلن بولگن ارتباطی نی قطع قلیب قویگن وضعیت ده. خودی منه شوندای بیر سیاست نینگ اوزی نینگ غزه نینگ دنیا ده اوستی آچیق بیر قماق خانه گه ایله نیب قالیشی گه سبب بولگن لیگی کورینماقده. باشقه چه قلیب ایتگنده, بیر پیت لر هیتلر, یهودی لر اوچون بیر کمپ قورگن ایدی. یهودی لر اوشبو کمپ ده یشه ماقده ایدی. ایندی غزه ده یشیتگن ۱,۵ میلیون فلسطین لیک نینگ وضعیتی هم خودی منه شو هیتلر کمپی ده یشه گن یهودی لر گه اوخشه ماقده.
هیتلر گه قرشی دنیا بویلب بیر عکس العمل موجود ایدی. لیکن قیزیغی شونده که اسرائیل نینگ اوشبو حرکت لری گه قرشی دنیا ده هیچ قندای بیر عکس العمل نینگ موجود ایمس لیگی کورینماقده. سونگگی حادثه لر آرتیدن کورسه تیلگن عکس العمل لر نینگ آلدینگی عکس العمل لر گه کوره ضعیف راق ایکن لیگی نی ایسله تیب اوتیش کیره ک. آلدین اسرائیل نینگ فلسطین گه قرشی هجوم اویشتریشی آرتیدن, نتیجه سی بولمه سه هم, سوریه, عراق و لیبیا کبی اولکه لر اوشبو وضعیت گه قرشی عکس العمل کورسه تر ایدی. شوندای قلیب هیچ قندای بیر نتیجه سی نینگ بولمس لیگی گه قره مسدن, صدام حسین, معمر القذافی و بشار الاسد نینگ اسرائیل نینگ فلسطین گه قره تیلگن هجوم لری گه قرشی عکس العمل کورستگن لیک لری روانی جهت دن یخشی بولر ایدی. سونگگی ییل لر ده ایسه, ترکیه بیلن ایران نینگ اسرائیل گه قرشی جدی بیر تاثیری نینگ موجود ایکن لیگی کورینماقده. ترکیه نینگ فلسطین بیلن علاقه لی سیاست لری اسرائیل نی ایریم پیت لر ده آرقه گه قدم تشلش گه مجبور قلیب قویماقده ایدی.
براق, اوشبو تاثیر نینگ حاضرگی کونده انچه کمییب قالگن لیگی کوزگه تشلنماقده. بیر تماندن عرب بهاری پروسه سی بوییچه معما لر, باشقه بیر تماندن ایسه سوریه بحرانی, اسرائیل گه قره تیلگن منطقه مقیاسی ده گی باسیم لر میزانی نی بتونلی یوق ایتیب قویدی. مصر ده محمد مرسی آرتیدن اقتدار گه کیلگن جنرال السیسی, ایچکی اوروش لر نینگ دوام ایتیب کیلیتگن سوریه ده گی بشار الاسد, بحران لرنینگ موجود بولگن لیبیا و پطرول شیخ لیک لری نینگ فلسطین بیلن علاقه لی موثر بیر سیاست لری نینگ موجود ایمس لیگی یققال کورینیب تورگن وضعیت ده. شوندای قلیب اسرائیل نینگ اوز سیاست لری نی جوده راحت بیر شکل ده آلیب باریتگن لیگی کورینماقده.
دولت لر ایمس, بلکه اورته شرق ده دوام ایتیب کیلیتگن اجتماعی بحران لر و خشونت اسرائیل گه تاثیر قالدیرماقده. اسرائیل, سوریه و عراق ده گی نا تینچ لیک لرنینگ بیر کون کیلیب اوز حدود لری گه کیلیب قالیشی دن قورقماقده. اسرائیل نینگ غزه گه قره تیلگن اوشبو سونگگی هجومی نینگ اوشبو دایره ده بهالنتریلیشی ممکن. اسرائیل اوشبو هجوم لری بیلن تیگره گی ده گی نا تینچ لیک لر دن تاثیر لنمس لیک گه تیار ایکن لیگی نی بلدررایکن, باشقه بیر تماندن ایسه حماس و منطقه ده گی اسرائیل گه مخالف کوچ لر گه اوز کوچی نی کورسه تیب بیریش گه حرکت ایتماقده.
ترک تیلی ده "قورقیش, انسان نی اولیم دن نجات بیرمیدی" شکلی ده بیر ضرب المثل بار. اسرائیل نینگ منطقه ده گی نا تینچ لیک لر دن تاثیر لنمس لیک گه حرکت ایتیشی گه قره مسدن, خودی منه شو وضعیت دن تاثیر لنمس لیگی نینگ ممکن ایمس لیگی کوزگه تشلنماقده. اوشبو تاثیر نینگ قی درجه بوله دیگن لیگی ایسه, بیوک مقیاس ده اسرائیل نینگ آلیب باریتگن سیاست لری گه باغلیق. اسرائیل نینگ منطقه ده گی معصوم انسان لرنی اولدیریش گه دوام ایتیشی تقدیرده, منطقه ده بحران لر ینه ده آرتیب کیترایکن, خودی منه شو بحران لر ایسه اسرائیل نینگ منطقه ده گی نا تینچ لیک لر دن تاثیر له نیشی اوچون زمینه یره تیب بیره دی. براق, اسرائیل نینگ هجوم لر و قیرغین لر دن واز کیچیب اشغال ایتگن حدود لر دن چیکیلیشی تقدیرده ایسه, تیگره گی ده گی نا تینچ لیک لر دن تاثیرله نیش احتمالی جوده آز بوله دی.
براق, اسرائیل نینگ هجوم لری نینگ توخته تیلیشی و کیله جک ده دوام ایتتریلیشی مسئله سی نینگ فقط گینه اوشبو اولکه نینگ اختیاری گه قویلمس لیگی کیره ک. اینیقسه امریکا قوشمه ایالت لری, غربی اولکه لر, بیرلشگن ملت لر تشکیلاتی سنگری خلق ارا تشکیلات لر و اسلام اولکه لری نینگ هم اسرائیل نینگ اوشبو هجوم لری نینگ توخته تیلیشی بوییچه رول ایگه سی بولیشی ضروری.