اناج کی برآمدات کا تسلسل ضروری ہے،روس نظر ثانی کرے: ترکیہ
روسی ہم منصب سے رابطے میں کہا گیا ہے کہ خوراک کے موجودہ عالمی بحران کے دوران تمام مسائل کا حل بات چیت اور تعاون میں پنہاں ہے،جبکہ اس انسانی مسئلے کو باہمی اختلافات اور جھڑپوں سے الگ رکھنے کی ضرورت بھی ہے
1900160
وزیر دفاع خلوصی آقار نے روسی ہم منصب سرگی شوئیگو سے ٹیلی فون بات چیت میں اناج کی برآمدات کے تسلسل کی اہمیت اجاگر کی ہے ۔
ترک وزارت دفاع کے مطابق ،خلوصی آقار نے روسی ہم منصب سے ٹیلی فون پر رابطہ کیا ۔
اس بات چیت میں اناج برآمدات کی حالیہ صورتحال کا جائزہ لینے سمیت اس بات کا بھی اظہار کیا گیا کہ خوراک کے موجودہ عالمی بحران کے دوران تمام مسائل کا حل بات چیت اور تعاون میں پنہاں ہے،جبکہ اس انسانی مسئلے کو باہمی اختلافات اور جھڑپوں سے الگ رکھنے کی ضرورت بھی ہے۔
آقار نے امید ظاہر کی کہ روس، اناج معاہدے کی دوبارہ بحالی پر سنجیدگی سے سوچ بچار کرے گا۔