ترکی سال 2023 کے اہداف کو حاصل کرتے ہوئے ایک عالمی طاقت کے طور پر ابھرے گا
دہشت گردی کے خلاف جنگ پُر عزم طریقے سے جاری ہے، وزیر داخلہ
وزیر داخلہ سلیمان سوئلو نے کہا ہے کہ ترکی، جمہوریہ ترکی کے قیام کی صد سالہ سالگرہ 2023 کے اہداف کو ایک طاقتور ملک کی حیثیت سے حاصل کرے گا۔
وزیر سوئلو نے ایک نجی ٹیلی ویژن چینل کو ایجنڈے سے متعلق بعض بیانات دیتے ہوئے کہا کہ دہشت گردی کے خلاف جنگ پُر عزم طریقے سے جاری ہے ، اندرون ِ ملک دہشت گردوں کی تعداد 170 ہونے کی وضاحت کرتے ہوئے انہوں نے بتایا کہ ان دہشت گردوں کے قانون کے سامنے ہتھیار ڈالنے کی صورت میں ترکی ایک نئے باب کی داغ بیل ڈالے گا۔
ترکی کے سال 2023 کے اہداف کو ایک طاقتور ملک کے طور پر حاصل کرنے پر اپنے یقین کا اظہار کرنے والے وزیر سوئلو نے بتایا کہ ’’جناب ِ صدر رجب طیب ایردوان ایک عظیم اور طاقتور ترکی کے منصوبے کو پایہ تکمیل تک پہنچانے والے ترکی کو 2023۔ 2053 اور 2071 کے اہداف کی راہ پر ڈالنے والے ایک لیڈر کے طور پر تاریخ میں رقم کیے جائینگے۔ ترکی، ترک برادری، مشرق وسطی اور بلقان میں ایک با اعتماد اورمضبوط ملک کی حیثیت حاصل کرتے ہوئے عالمی منظر نامے پر اثرِ رسوخ کی حامل ایک ریاست کے طور پر ابھرے گا۔ مجھے اس چیز پر یقین ہے اور ترک قوم ان اہداف کو حاصل کر کے رہے گی۔
انہوں نے مزید کہا کہ دیار بکر کی ماؤں نے دہشت گردوں کے چنگل میں ہونے والے اپنی اولادوں کی واپسی کے لیے دھرنے دیتے ہوئے تمام تر سامراجی قوتوں کو سبق سکھایا ہے۔