ترکی کو سبق سکھانے کی بات نہ کرو،جواب دینا ہمیں بھی آتا ہے:چاوش اولو
وزیر خارجہ مولود چاوش اولو نے جرمن ہم منصب کے ترکی کو سبق سکھانے سے متعلق بیان پر کہا ہے کہ ہم پر انگلی اٹھانے اور سبق سکھانے کا اگر ارادہ ہے تو ہم بھی اس کا بھرپور جواب دینے کا حق رکھتے ہیں
1294690
وزیر خارجہ مولود چاوش اولو نے جرمن ہم منصب ہائیکو ماس کے سوشل میڈیا پر ترکی کو سبق سکھانے سے متعلق بیان کا ضروری جواب دینے کا عندیہ دیا ہے۔
چاوش اولو نے جرمن ہم منصب کے دورہ ترکی سے قبل ٹویٹر پر اپنے بیان میں کہا کہ عزیزم ہائیکو ماس کے دورہ ترکی پر میں خوش ہوں ،ہمارے دروازے ہمیشہ ان کا خیر مقدم کرنےکے لیے کھلے ہیں مگر وہ سن لیں کہ ہم پر انگلی اٹھانے اور سبق سکھانے کا اگر ارادہ ہے تو ہم بھی اس کا بھرپور جواب دینے کا حق رکھتے ہیں ۔
واضح رہے کہ ہائیکو ماس نے کل سے شروع ہونے والے دورہ ترکی سے قبل ٹویٹر پر ترکی کو تنقید کا نشانہ بنایا تھا۔