اسرائیل کی جارحیت پر ترکی کی شدید مذمت

ایوان صدر نے اسرائیل  کے غزہ پر حملہ آور موقف پر کڑی نکتہ چینی کرتے ہوئے عالمی برادری کو لازمی اقدامات اٹھانے کی اپیل کی ہے۔

صدارتی ترجمان ابراہیم قالن نے  اعلان کرتے ہوئے کہا ہے کہ "ہم غزہ  میں پر امن مظاہرے میں شریک  شہریوں  اور نہتے فلسطینیوں  پر اسرائیلی حملے کی شدید مذمت کرتے ہیں۔"

انہوں نے کہا کہ "علاقے میں رونما ہونے  والی ہلاکتوں اور زخمی  ہونے کے واقعات، انسانی عزت و قار کو پاوں تلے روندھا جانا نا قابل قبول فعل ہیں، ہم اقوام متحدہ سمیت تمام تر عالمی برادری کو اس  غیر انسانی فعل کے خلاف آواز بلند کرنے کی اپیل کرتے ہیں۔"

دریں اثناء  اسرائیل کے زیرِ محاصرہ غزہ کی پٹی کے اسرائیلی سرحدوں  کے قریبی علاقے میں فلسطینی سر زمین  دن کے مظاہرے میں  پندرہ فلسطینیوں کی شہادت پر اس ملک میں قومی سوگ منانے کا اعلان کیا  گیا ہے۔