یوکرینی پائلٹوں کو ایف۔16 کی تربیت پر کام جاری ہے، امریکہ

متحدہ امریکہ کے قومی سلامتی کے مشیر جیک سلیوان نے کہا کہ یوکرین کے پائلٹوں کو  ایف 16 کی تربیت پر تیزی سے کام کیا جائیگا، تاہم انہوں نے  قطعی  تاریخ کا اعلان نہیں کیا۔

سلیوان نے کولوراڈو میں جاری آسپن سیکیورٹی فورم میں کہا کہ ہم یوکرین کو F-16 جنگی طیاروں کو مؤثر طریقے سے استعمال کرنے اور اس تناظر میں لازمی  مہارت حاصل کرنے میں معاونت فراہم کرنے پر کام  کر رہے ہیں

یہ بتاتے ہوئے کہ وہ اس معاملے پر جلد از جلد کام کریں گے، سلیوان نے کہا کہ وہ یوکرینی پائلٹوں کی تربیت پر اتحادیوں کے ساتھ مل کر کام کر رہے ہیں اور تکنیکی مسائل کو حل کیا جا رہا ہے۔

سلیوان نے بتایا کہ وہ صحیح تاریخ نہیں بتا سکتے کہ یوکرین کے پائلٹوں کی تربیت کب شروع ہوگی، لیکن اس میں مہینے نہیں بلکہ ہفتے لگیں گے۔

زمین سے زمین پر مار کرنے والے ATACMS میزائلوں کے بارے میں، سلیوان نے کہا کہ امریکی صدر جو بائیڈن اور یوکرائن کے صدر ولادیمیر زیلنسکی نے اس معاملے  پر مذاکرات کیے ہیں۔

سلیوان نے کہا کہ یوکرین کو اے ٹی اے سی ایم ایس میزائل دینے کا فیصلہ صدر بائیڈن  کریں گے۔