یوکیرین سے اناج کی ترسیل کے معاہدے پر امریکہ کا صدر ایردوان کو خراجِ تحسین
"ہم جوائنٹ کوآرڈینیشن سینٹر کے افتتاح کے منتظر ہیں۔ ہم امید کرتے ہیں کہ معاہدے کے تمام فریقین وضع کردہ شرائط کو پورا کریں گے۔‘‘
متحدہ امریکہ نے یوکیرین سے اناج کی ترسیل کے معاملے میں مشترکہ رابطہ کمیشن مرکز کے قیام کے سلسلے میں کوششوں پر صدر رجب طیب ایردوان کا شکریہ ادا کیا ہے۔
وائٹ ہاؤس کی نیشنل سیکیورٹی کونسل کے اسٹریٹجک کمیونیکیشن ڈائریکٹر جان کربی نے زوم کے ذریعے وائٹ ہاؤس کے صحافیوں کو ملک کی خارجہ پالیسی میں ہونے والی پیش رفت سے آگاہ کیا۔
استنبول میں مشترکہ رابطہ مرکز کے اپنا کام شروع کرنے کے حوالے سے روس کے بیانات کے بارے میں ایک سوال پر کربی نے کہا کہ "ہم نے مشترکہ رابطہ مرکز کو عملی جامہ پہنائے جانے سے متعلق خبریں پڑھی ہیں ۔ ہم ان خبروں کا خیرمقدم کرتے ہیں۔"
یہ بتاتے ہوئے کہ مرکز کو 20 ملین ٹن اناج کی کھیپ کے لیے استعمال کیا جا سکتا ہے، جان کربی نے کہا، "ہم جوائنٹ کوآرڈینیشن سینٹر کے افتتاح کے منتظر ہیں۔ ہم امید کرتے ہیں کہ معاہدے کے تمام فریقین وضع کردہ شرائط کو پورا کریں گے۔‘‘
امریکہ اور ترکی کے متعدد معاملات میں رابطے میں ہونے کا ذکر کرنے والے ترجمان نے بتایا کہ اقوام متحدہ کے سیکرٹری جنرل اور صدر رجب طیب ایردوان کی مشترکہ رابطہ مرکز کو عملی جامہ پہنانے کی کوششوں کے مشکور و ممنون ہیں۔ ہم جانتے ہیں یہ ایک آسان کام نہیں تھا، اس ضمن میں ان کی کوششیں قابل ستائش ہیں۔ ترکی اور اقوام متحدہ کا قائدانہ کردار تعریف کے لائق ہے۔
دریں اثنا، امریکی محکمہ خارجہ کے ترجمان نیڈ پرائس نے کہا کہ روس، یوکرین، ترکی اور اقوام متحدہ کے درمیان طے پانے والے "یوکرینی بندرگاہوں سے اناج اور کھانے پینے کی اشیاء کی محفوظ ترسیل" معاہدے میں ترکی ایک اہم ثالث ہے۔
