امریکہ کی فلسطینی شہریوں پر یہودیوں کے تشدد کی مذمت

متحدہ امریکہ  کی ڈپٹی سیکرٹری  خارجہ  وکٹوریا نو لنڈ   نے اسرائیلی وزیر برائے  عوامی تحفظ  عمر بارلیف سے ملاقات  میں خاصکر دریائے اُردن کے مغربی کنارے    پر غیر قانونی یہودی  آباد کاروں کے  فلسطینیوں  پر تشدد کے واقعات کو ایجنڈے میں لایا ۔

اسرائیل میں پولیس فورس امور کے چیف  بارلیف نے سوشل میڈیا پر اسرائیل میں نولنڈ سے اپنی ملاقات کے بارے میں لکھا ہے کہ  امریکی اہلکار نے "آبادکاروں کے تشدد، علاقائی کشیدگی کو کم کرنے اور فلسطینی انتظامیہ کو مضبوط کرنے" کے موضوعات میں دلچسپی ظاہر کی ہے۔

یہ دلیل دیتے ہوئے کہ اسرائیل میں دریائے اردن کے مغربی کنارے اور غزہ میں رہنے والے فلسطینیوں کو مزید ورک پرمٹ دینا علاقائی کشیدگی کو کم کرنے کی کلید ہے، بارلیف نے کہا کہ غزہ سے باہر مشترکہ صنعتی علاقے کے قیام جیسے منصوبوں میں  امریکہ وسیع پیمانے کا تعاون کرے گا۔

امریکی انتظامیہ نے غیر قانونی یہودی  کاروائیوں پر تبصرہ کرنے سے گریز کرتے وقت  دریائے اردن کے مغربی کنارے  کے شہر الخلیل  میں  غیر قانونی  یہودی آباد کاروں کے فلسطینی شہریوں پر تشدد  کی مذمت کرنے والا ایک بیان جاری کیا تھا۔