جانسن اینڈ جانسن نے کورونا ویکسین کی آزمائش روک دی

امریکی دوا ساز کمپنی جانسن اینڈ جانسن نے کورونا وائرس کی ویکسین کی آزمائش کا سلسلہ روک دیا ہے۔

کمپنی کے مطابق، جن افراد پر اس ویکسین کی آزمائش کی جا رہی تھی ان میں سے ایک میں  کسی  نامعلوم بیماری پائے جانے کی وجہ سے اس ویکسین کے طبی تجربات کو عارضی طور پر روک دیا گیا ہے۔

آزاد ڈیٹا اور حفاظتی نگرانی بورڈ اور کمپنی کے طبی ماہرین اس بیماری کا تجزیہ کر رہے ہیں۔

جانسن اینڈ جانسن کا کہنا ہے کہ  ویکسین کی آزمائش میں ہزاروں افراد شامل ہیں اور اس سطح پر عارضی طور پر تجرباتی عمل کو روکنا کوئی غیر معمولی بات نہیں ہے۔

کمپنی نے اس سلسلے میں کوئی مزید تفصیلات نہیں بتائی ہیں۔