عالمی ادارہ صحت نے12کروڑ تیز تشخیصی کٹس فراہم کرنے کا اعلان کر دیا

عالمی ادارہ صحت نے آئندہ ماہ سے غریب ملکوں کے لئے کورونا کے 12 کروڑ تیز تشخیصی ٹیسٹ فراہم کرنے کا اعلان کردیا۔

ادارے کے سربراہ ڈاکٹر ٹیڈروس گیبریسیوس نے کہا ہے کہ ساٹھ کروڑ ڈالر کی اس مہم سے کم اور درمیانی آمدنی والے 133ممالک مستفید ہوسکیں گے۔ 

فوری ٹیسٹ اگلے چھ ماہ میں 133 ممالک کو دیےجائیں گے۔ ان ٹیسٹ کے نتائج 15 سے 30 منٹ میں آجائیں گے۔

انہوں نے مزید بتایا کہ یہ ٹیسٹ پی سی آر ٹیسٹ جیسا قابل بھروسہ تو نہیں لیکن سستا، تیز اور آسان ضرور ہے۔

تیز تشخیصی ٹیسٹ کٹ کی تقسیم کا عمل آئندہ ماہ سے شروع کیا جائےگا۔