واشنگٹن پوسٹ کی خاشقجی قتل کے خلاف مہم کا آغاز

روزنامہ واشنگٹن پوسٹ نے  استنبول میں قتل  کیے جانے والے صحافی جمال خاشقجی کے لیے ایک نئی مہم شروع کی ہے۔

اس اخبار کے بین الاقوامی نظریات ایڈیشن کی ایڈیٹر  کیرین عطیہ   نے ٹویٹر  پیغام میں کہا ہے کہ ہم خاشقجی کے قتل کے بارے میں ڈیجیٹل اور مطبوع اعلانات  جاری کریں گے۔

ان کا کہنا ہے کہ  جمال خاشقجی کے خونخوار طریقے سے قتل کے بارے میں سوالات کا جواب تلاش کرنے کے لیے ڈیجیٹل اور اشاعتی مہموں کو آج سے شروع کیا جا رہا ہے۔

ٹویٹر پیغام میں عطیہ نے  سعودی ولی عہد پرنس محمد بن سلمان  کی تصویر پر ایک عبارت درج کرتے ہوئے، حقائق  کو آشکار کرنے کی اپیل کی ہے۔