امریکہ کا اعتراف: ہم داعش کے خلاف جدوجہد میں ضروری صلاحیت کے ملک نہیں ہیں

امریکہ نے اعتراف کیا ہے کہ وہ  دہشتگرد تنظیم داعش کے خلاف جدوجہد  میں ضروری صلاحیت کا ملک نہیں ہے۔

واشنگٹن میں داعش کے خلاف جدوجہد کی اسٹریٹجی  سے متعلق بیانات دیتے ہوئے امریکہ کے میرین کورپس کمانڈر بریگیڈئیر رابرٹ بی نیلر نے اعتراف کیا ہے کہ امریکہ داعش کے خلاف تنہا جدوجہد کرنے کی صلاحیت نہیں رکھتا۔

اٹلانٹک کونسل میں منعقدہ ایک کانفرنس میں شرکاء سے خطاب میں نیلر نے کہا ہے کہ "دنیا ایک بڑی جگہ ہے اور اس وجہ سے ہماری قومی سکیورٹی اسٹریٹجی میں یونٹوں ا ور  ساجھے داریوں کے قیام کی ضرورت ہے۔ ہم دہشت گردی کے خلاف تن تنہا جدو جہد کرنے کی صلاحیت نہیں رکھتے اور نہ ہی  ہم  تنہا یہ جدوجہد کریں گے۔ ہم صرف  دوسرے ممالک کو دہشتگردی کے خلاف  جدوجہد کی یونٹیں قائم کرنے میں اور سکیورٹی فورسز کو فروغ دینے میں مدد دے سکتے ہیں۔

نیلر نے مزید کہا ہے کہ امریکہ نے حالیہ دنوں میں  نائیجیریا ، مغربی افریقہ کے ممالک اور دیگر ممالک کی داعش کے خلاف جدوجہد کے امکانات اور قابلیت میں اضافے کے لئے برطانیہ، فرانس اور اٹلی کے ساتھ  تعاون کیا ہے۔

انہوں نے کہا کہ دیگر ممالک کی مدد کے لئے امریکہ جلد یا بدیر علاقے کو ترک کرے گا ایسی صورت میں مقامی سکیورٹی فورسز دہشتگردی کے ساتھ خود جدوجہد کرنے پر مجبور ہوں گی۔