واشنگٹن کے گرجا گھر میں نماز جمعہ کا اجتماع

امریکی دارالحکومت واشنگٹن میں واقع واشنگٹن نیشنل کیتھڈریل میں پہلی مرتبہ نمازِ جمعہ کا اہتمام کیا گیا ۔
اس تاریخی گرجا گھر میں واشنگٹن میں متعین جنوبی افریقہ کے سفیر ابراہیم رسول کی امامت میں پہلی بار نماز جمعہ کا اجتماع ہوا جس میں ایک سو کے قریب مرد و خواتین نے شرکت کی ۔
نماز سے قبل گرجا گھر کی راہبہ جینا گیلانڈ کیمبل نے نماز جمعہ کے اجتماع پر اپنی مسرت کا اظہار کیا ۔
نماز ادا کرنے والے مسلمانوں نے بھی اس موقع پر مختلف ادیان کے درمیان ہم آہنگی و بھائی چارگی سمیت امن آشتی سے لبریزایک دنیا قائم کرنے کی نیک تمناوں کا اظہار کیا ۔