وزیر اعظم ایردوان کا ایسٹر تہوار پر اہم پیغام
ایسٹر فیسٹ عیسائیت کے پیروکاروں کے لئے ایک استثنائی حیثیت رکھتی ہے
ترکی کے وزیر اعظم رجب طیب ایردوان عیسائیوں کے ایسٹر تہوار کی مناسبت سے اپنا پیغام نشر کروایا ہے۔
پیغام میں وزیر اعظم ایردوان نے کہا کہ عیدیں خوشی و مسرت کا وسیلہ ہیں ان مواقع پر ایک دوسرے کی مدد ، باہمی اتحاد اور خوشیاں بانٹنے کا نہایت بھرپور شکل میں اظہار ہوتا ہے۔ایسٹر فیسٹ بھی عیسائیت کے پیروکاروں کے لئے ایک استثنائی حیثیت رکھتی ہے۔
پیغام میں انہوں نے کہا کہ "میں اپنے عیسائی بھائیوں کو کہ جن کے ساتھ ہم صدیوں سے مل کر رہ رہے ہیں اور جن کے ساتھ ہم زندگی کے دکھ اور خوشیاں بانٹتے ہیں ایسٹر کی مبارکباد پیش کرتا ہوں"۔
ایردوان نے کہا کہ" ہم پوری انسانیت کے لئے محبت، احترام اور تحمل کی بنیاد پر استوار تہذیب کے نمائندوں کی حیثیت سے ہر طرح کے امتیازات کی مخالفت کرتے ہیں اور اختلافات کو ثقافتی دولت اور گوناں گونی کی شکل میں دیکھتے ہیں۔اس نقطہ نظر کے حوالے سے مختلف کلیسیوں اور گروپوں سے منسوب عیسائی ترک شہریوں سمیت پوری عیسائی دنیا کو دل کی گہرائیوں سے ایسٹر کی مبارکباد پیش کرتا ہوں "۔