O'zbekiston va Qozog'iston munosabatlarining istiqboli...

O'zbekiston va Qozog'iston hamkorlikni kengaytirish masalalarini muhokama qilmoqda.

O'zbekiston Bosh vazir o'rinbosari Ulug'bek Ro'ziqulov shu yilning 8 oktyabr kuni Astana shahrida Qozog'iston Bosh vaziri Bakitjan Sagintayev bilan uchrashdi.

Qozog'iston Respublikasi Bosh vazirligining rasmiy saytida bu haqda ma’lumot berildi. 

Manbaga ko'ra, uchrashuv chog’ida tomonlar ikki davlat o'rtasidagi savdo-iqtisodiy va investitsion hamkorlik masalalarini muhokama qildi.

Shuningdek, O'zbekiston va Qozog'iston kimyoviy va neft-kimyoviy sohalarida ham aloqalarni yanada mustahkamlashi zarurligi ta’kidlab o’tildi.

O'zbekiston va Qozog'iston vakillari ikki tomonlama savdo-iqtisodiy va investitsion hamkorlikni faollashtirishga doir bundan avval yo’lga qo’yilgan kelishuvlarni amalga oshirishga tayyor ekanini bildirdi.