Prezidenti Islom Karimovning vafoti munosabati bilan Shanhay Hamkorlik Tashkiloti hamdardlik bildi

O'zbekiston respublikasi birinchi prezidenti Islom Karimovning vafoti munosabati bilan Shanhay Hamkorlik Tashkiloti Bosh kotibi Rashid Alimov mamlakatimizning Hitoy Halq Respublikasidagi elchihonasida bo'ldi.

«O'rnini to'ldirib bo'lmas yo'qotish sababli o'zbek halqi bilan birga qayg'udamiz. O'zbekiston respublikasining birinchi prezidenti Islom Karimov o'z halqining qalbida va jahon siyosatida juda chuqur iz qoldirdi. Biz Islom Karimovning nomini, ezguligi va oqilligini doimo yodimizda saqlaymiz», deyilgan tashkilot Bosh kotibining ta`ziyanomasida.

Respublikamiz diplomatiya missiyasining vakillari bilan bo'lib o'tgan muloqot chog'ida Rashid Alimov Islom Karimovning O'zbekistonda samarali siyosiy tizimning yaratilishi va keng ko'lamli islohotlar amalga oshirilishidagi hizmatlarini ta`kidlar ekan, shular tufayli respublikamiz dunyoning izchil o'sib borayotgan mamlakatiga aylanganini qayd etdi.

«O'zbekiston birinchi prezidentining Shanhay Hamkorlik Tashkiloti rivojlanishiga qo'shgan hissasi yuqori bahoga sazovordir. Uning siyosiy oqilligi va diplomatik mahorati O'zbekistonning 2015-2016 yillari ShHTdagi raisligi davrida hamda birlashmaning Toshkent sammiti ajoyib o'tkazilganida to'la namoyon bo'ldi. Hindiston respublikasi va Pokiston Islom respublikasining ShHTga a`zo davlat maqomini olish yo'lidagi majburiyatlari to'g`risidagi memorandumlar imzolangani Toshkent sammitining muhim voqealaridan bo'ldi. Tarih va avlodlar Islom Karimov siymosining qamroviga baho berajak», deya ShHT Bosh kotibining so'zlarini keltirgan