Karimov Islom hamkorlik tashkiloti Bosh kotibini qabul qildi...
Islom Karimov Islom hamkorlik tashkiloti Bosh kotibini qabul qildi.
Islom Karimov Islom hamkorlik tashkiloti Bosh kotibini qabul qildi.
O`zbekiston Respublikasi Prezidenti Islom Karimov 8 iyun kuni Oqsaroyda Islom hamkorlik tashkiloti Bosh kotibi Iyad Amin Madaniyni qabul qildi.
Davlat rahbari mehmonni O`zbekistonga tashrifi bilan qutlar ekan, O`zbekistonning ellikdan ortiq mamlakat a`zo bo`lgan ushbu nufuzli xalqaro tashkilot bilan samarali hamkorlik qilib kelayotganini ta`kidladi.
Islom hamkorlik tashkiloti Bosh kotibi Iyad Amin Madaniy, mamlakat ijtimoiy-iqtisodiy sohalarda ulkan taraqqiyotga erishayotganini yuqori baholadi.
Uchrashuvda, Islom hamkorlik tashkilotiga 1996 yilda a`zo bo`lgan O`zbekiston, uning serqirra faoliyati va tadbirlarida faol ishtirok etib kelayotganligi, jahonda tashkilotning o`rni va ahamiyatini mustahkamlashga salmoqli hissa qo'shayotganligi takidlandi.
Oqsaroyda o`tgan uchrashuvda tomonlarni qiziqtirgan boshqa masalalar yuzasidan ham fikr almashildi.
Malumki, Islom hamkorlik tashkiloti Tashqi ishlar vazirlari kengashining yaqinda bo`lib o`tgan majlisida tashqi siyosat mahkamalari rahbarlarining navbatdagi uchrashuvini O'zbekistonda o`tkazish va tashkilotning mazkur muhim institutiga 2016 yilda O`zbekiston raislik qilishi to`g`risida qaror qabul qilingan edi.