Ozarbayjonning ishg’oldan ozod qilingan Fuzuliy shahrida mina portladi
Ozarbayjonning ishg’oldan ozod qilingan Fuzuliy shahrida Armaniston askarlari tomonidan joylashtirib ketilgan mina portladi. Portlash oqibatida 1 nafar ozarbayjonlik tinch aholi vakili halok bo’ldi. Bu haqda Ozarbayjon bosh prokuraturasi bayonot berdi.
![Ozarbayjonning ishg’oldan ozod qilingan Fuzuliy shahrida mina portladi](http://cdn.trt.net.tr/images/xlarge/rectangle/9ba1/a7fe/ceb4/5fc253e83ef88.jpg?time=1718942048)
Ozarbayjonning ishg’oldan ozod qilingan Fuzuliy shahrida Armaniston askarlari tomonidan joylashtirib ketilgan mina portladi. Portlash oqibatida 1 nafar ozarbayjonlik tinch aholi vakili halok bo’ldi.
Bu haqda Ozarbayjon bosh prokuraturasi bayonot berdi.
Bayonotga ko’ra, Fuzuliy shahriga qarashli Yuqori Yag’livent qishlog’i hududida harakatlanayotgan avtomobil mina ustidan o’tgan. Avtomobil ichida 3 kishi bo’lgan. Shiddatli portlash oqibatida 1 kishi halok bo’lgan, 2 kishi og’ir yaralangan.
Ma’lumotga ko’ra, mina ishg’ol davrida Armaniston askarlari tomonidan joylashtirilgan bo’lib, u tanklarni yo’q qiluvchi kuchga ega bo’lgan.
Bundan avval ham Armaniston askarlari tomonidan joylashtirilgan minaning portlashi oqibatida ozarbayjonlik tinch aholi vakillari va harbiylar halok bo’lgandi.