путин русийәдики америка мал-мүлүклирини русийәниң зийанлирини толдурушқа ишлитишкә рухсәт қилди
русийә пирезиденти виладимир путин америка қошма иштатлириниң йаки униң билән четишлиқ ширкәт вә шәхсләрниң русийәдики мал-мүлүклирини русийә йаки русийә мәркизи банкисиға селинған зийанларниң орнини толдуруш үчүн ишлитишкә рухсәт қилди.
2143499
түркийә авази радийоси хәвири: русийәдики америка мал-мүлүклири бир тәрәп қилишни мәзмун қилған қарарнамә пирезидент путин тәрипидин имзаланғандин кейин, дөләтниң қанун учур системисида елан қилинди.
қарарнамигә асасланғанда, америка тәрипидин зийанға учритилған киши йаки тәрәпләр русийәдики сот мәһкимилиргә әрз сунса болидикән؛ ениқлап бекитлгән зийанниң орнини толдуруш үчүн, американиң, америка билән четишлиқи болған ширкәт йаки шәхсләрниң русийәдики мал-мүлүклири ишлитилидикән.
қарарнамәдә һөкүмәткә русийә мәркизий банкисиниң пуллирини өз ичигә алған америкада тоңлитилған мал-мүлүкниң бәдилигә русийәдики ишлитишкә болидиған америка мал-мүлүклирини ениқлаш һоқуқи берилди.
америка кеңәш палатаси 24-апрел русийәниң тоңлитилған мал-мүлүклирини украинаға әвәтишни тәстиқлиғаниди.
ғәрб дөләтлири русийәниң тәхминән 300 милйард доллар қиммитидики мал-мүлкини тоңлатқаниди.
مۇناسىۋەتلىك خەۋەرلەر
түркийә нефит ширкити ақдеңизда нефит издәйду
түркийә йеңи нефит саһәлиридә нефит издәш паалийәтлирини давамлаштурмақта.
