G7 дөләт гуруһи украинаға қәрз бериштә келишти

G7дөләт гуруһи рәһбәрлири русийәниң тоңлитилған мал-мүлүклиридин қолға кәлтүрүлгән киримни капаләт қилип, украинаға 50 милйард доллар қәрз бериш мәсилисидә пикир бирдәклики һасил қилди.

2152708
G7 дөләт гуруһи украинаға қәрз бериштә келишти

түркийә авази радийоси хәвири: хәлқара таратқулардики хәвәрләрдә билдүрүлишичә, дунйада әң тәрәққий тапқан йәттә дөләттин тәшкил тапқан вә бүгүн (13-ийун) италийәдә башланғанG7  дөләт гуруһи башлиқлар йиғинида, украинани малийә җәһәттин қоллаш пиланида пикир бирдәклики һасил қилинған.

келишим рамкисида, G7  дөләт гуруһи русийә мәркизий банкасиниң тоңлитилған мал-мүлүклириниң өсүмини капаләт қилип, 2024-йилниң ахирлириғичә украинаға 50 милйард доллар қәрз бериду. қәрзниң көп қисмиға америка капаләт беридиған болуп, йавропа вә башқа дөләтләрму буниңға һәссә қошиду.

G7  дөләт гуруһиниң малийә министирлири өткән ай (2024-йили май) америка тәрипидин оттуриға қойулған русийә мал-мүлүклиридин қолға кәлтүрүлгән киримни украинани әслигә кәлтүрүш ишлирини қоллаш мәқситидә ишлитиш тәклипи үстидә келишәлмигән иди.

ғәрб дөләтлири украина-русийә уруши башланғандин буйан тәхминән 300 милйард долларлиқ русийә мал-мүлкини тоңлатти. буниң 200 милйард долларлиқ қисми йавропа дөләтлиридә.

тоңлитилған мал-мүлүкләрдин һәр йили милйардларчә доллар өсүм келиду. G7  дөләт гуруһи бу киримдин украинани қоллашта пайдилишни тәкитлимәктә.  



مۇناسىۋەتلىك خەۋەرلەر