түркийә 2026-йили йуқири киримлик ​​тәрәққий тапқан дөләтләр қатариға кириду

түркийә авази радйоси хәвири: хәзинә вә малийә министири мәһмәт шимшәк түркийәниң бу йил тәхминән 1 тирилйон 100 милйард долларлиқ иқтисадий күчкә айлинидиғанлиқини билдүрүп: «түркийә 2026-йилида дунйа банкисиниң тәрипи бойичә <кирими йуқири тәрәққий тапқан дөләтләр>  қатариға кириду» деди.

хәлқара түрк сода кеңиши 10- нөвәтлик қурултийи истанбулда давамлашмақта.

министир мәһмәт шимшәк паалийәтниң дағдуғилиқ кәчлик зийапитидә сөз қилип, дунйаниң төвән ешиш басқучида икәнликини әскәртип؛ «кәлгүси 5 йилда йәр шари иқтисадиниң ешиш нисбитиниң тәхминән %3 әтрапида болидиғанлиқи мөлчәрләнмәктә. чүнки дунйа интайин чоң қәрзгә патқан болғачқа  иқтисадий ешишму чәклик болмақта.  нопусниң қерип кетишиму еғир бир мәсилә. селинмилардиму бир қәдәр төвән йүзлиниш бар. ишләпчиқириш үнимиму төвән кетип бармақта. буларниң һәммисини нәзәрдә тутқинимизда, иқтисадий ешиш чәклик болмидиғанлиқи ениқ» деди.

мәһмәт шимшәк техиму муһими дунйада интайин еғир геополитикилиқ йимирилиш мәвҗутлуқини билдүрүп,  «йәни дунйа йеқинқи йиллардин буйан йүз бәргән чоң тоқунушлар сәвәбидин қоғдиниш характерлиқ бир сийасәттә йолини давамлаштуридиғандәк қилиду» деди.

мәһмәт шимшәк йеқиндин буйан түркийәниң геополитикилиқ муһим орни билән тәминләш линийәси җәһәттә әвзәлликкә еришкәнликини тәкитлиди.

мәһмәт шимшәк бу йил түркийәниң тәхминән 1 тирилйон 100 милйард долларлиқ иқтисадий күчкә  айлинидиғанлиқини тәкитләп: «түркийә 2026-йили дунйа банкисиниң тәрипи бойичә йуқири киримлик ​​тәрәққий тапқан дөләтләр қатариға кириду» деди.