пакистан енергийә ширкәтлирини пакистанға мәбләғ селишқа чақирди
пакистан енергийә вә нефит ишлири министири өмәр әййуб хан түркийәдики енергийә ширкәтлирини пакистанниң енергийә саһәсигә мәбләғ селишқа чақирди.
түркийә авази радийоси хәвири: пакистан енергийә вә нефит ишлири министирлиқи тәрипидин елан қилинған йазма байанатта, өмәр әййуб ханниң түркийәниң исламабад баш әлчиси еһсан мустафа йурдақул билән көрүшкәнлики, учришишта, икки дөләт оттурисидики енергийә һәмкарлиқини йәниму күчәйтиштә алаһидә саһәләрниң бәлгиләп чиқилиши тоғрулуқ бирдәклик һасил қилинғанлиқи тәкитлинип мундақ дейилди: «әййуб хан учришишта пакистанниң енергийә саһәсидә учқандәк тәрәққий қиливатқанлиқини, болупму сиҗил енергийә саһәсидә пакистанда пүтмәс - түгимәс пурсәтләрниң барлиқини, шуңа чәт әллик мәбләғ салғучиларниң бу пурсәтләрниң бәһримән болушини үмид қилидиғанлиқлирини әскәртти. шуниң билән бир вақитта, сиҗил енергийә саһәсигә мәбләғ селишқа алақидар қарарнаминиң тәстиқлиниш басқучида икәнликини ейтқан, һәмдә түркийәдики енергийә ширкәтлирини пакистанниң енергийә саһәсигә мәбләғ селишқа чақирди.»
مۇناسىۋەتلىك خەۋەرلەر
түркийә нефит ширкити ақдеңизда нефит издәйду
түркийә йеңи нефит саһәлиридә нефит издәш паалийәтлирини давамлаштурмақта.