хитай билән пакистан содида хәлқ пули (йүән)ишлитиш тоғрисида келишти
хитай билән пакистан содида америка доллириниң орниға хәлқ пули (йүән)ишлитиш тоғрисида келишти.
![хитай билән пакистан содида хәлқ пули (йүән)ишлитиш тоғрисида келишти](http://cdn.trt.net.tr/images/xlarge/rectangle/162f/6a7a/b57d/5a3b8209b697d.jpg?time=1718925657)
түркийә авази радийоси хәвири: пакистан билән хитай икки тәрәп арисидики содида хәлқ пули (йүән)ишлитиш тоғрисида келишим һасил қилди.
давн гезитидә бу һәқтә елан қилинған хәвәргә асасланғанда, хитай-пакистан арисида иқтисад каридор бәрпа қилишқа мунасивәтлик узун муддәтлик пилан рәсмий елан қилинғандин кейин, пакситан ички ишлар министири аһсан иқбал мухбирларни күтүвелиш йиғини өткүзүп мундақ деди: «икки дөләт арисидики содида америка доллири орниға йүән ишлитиш үчүн хизмәт ишләватимиз.»
пакистан билән хитай арисида 2005 - йили әркин сода келишими имзаланған болуп, 2015-йилдин 2016-йилғичә икки дөләт арисидики омумий сода қиммити 13 милйон 800 миң долларға йәткән.
узун муддәтлик пилан икки дөләт арисида енергийә, учур-алақә системиси, қуруқлуқ вә төмүр йол линийәлири, сода вә санаәт районлири, сайаһәтчилик, йеза-игилик вә намратлиқни азайитиш қатарлиқ мәсилиләрдә һәмкарлиқ орнитишни мәзмун қилиду.
мәзкур пилан үч басқучта әмийләштүрүлидиған болуп тунҗи басқуч 2020-йили, иккинчи басқуч 2025-йили, үчинчи басқуч 2030-йили ахирлишиду.
икки дөләт бу пилан даирисидә һәр қайси саһәләрдики һәмкарлиқни күчәйтиш вә сийасий алақини қойуқлаштуруштин сирт чеградин һалқиған киридет системиси вә пул-муамилә мулазимәтлири йолға қойушниң койида йүрмәктә.
хитай билән пакистан йәнә ташқи пирувут алмаштуруш рәсмийәтлирини асанлаштуруп икки тәрәп арисида пул обрут хизмитиниму раванлаштурушни пиланлимақта.
مۇناسىۋەتلىك خەۋەرلەر
![түркийә нефит ширкити ақдеңизда нефит издәйду](http://cdn.trt.net.tr/images/medium/rectangle/74b5/efb2/3a9b/666a9d4a83e85.jpg?time=1718925657)
түркийә нефит ширкити ақдеңизда нефит издәйду
түркийә йеңи нефит саһәлиридә нефит издәш паалийәтлирини давамлаштурмақта.