amérika térrorluq teshkilati p k k ning gumashtisi p y d gha qoral - yaragh bermekte
amérika qoshma ishtatliri bölgünchi térrorluq teshkilati p k k ning süridiki gumashtisi p y d ning qoralliq qaniti y p g ge qoral - yaragh yardem bermekte.
türkiye awazi radiyosi xewiri: amérika süriyening sherqiy shimalida paaliyet élip bériwatqan p y d / p k k térrorluq teshkilatigha 48 aptomobil we 250 esker ewetti.
tünügün süriye – iraq chégrasidiki semalka chégra éghizidin ötken amérika herbiy aptomobil etriti hasekening sherqidiki malikiyege yétip bardi.
türkiyening süriyening qarachoq rayonidiki p k k nishanlirigha hujum qilishidin kéyinla térrorluq teshkilatigha 22 yük aptomobilliq qoral – yaragh, oq - dora we bashqa lazimetliklerni yardem qilghan amérikining, türkiyening chégra halqighan xewpning aldini élish herikitidin kéyinla p y d / p k k gha qiliwatqan yardemlirini köpeytishi diqqet qozghimaqta.
türkiye armiyesining ötken hepte qarachoq we iraqning sinjar rayonidiki p k k nishanlirigha zerbe bérishidin kéyin, térrorluq teshkilatining chégra liniyesidiki türkiye qisimlirigha qilghan hujumlirida amérikining TOW namliq rakétamiyutlarni ishletkenliki otturigha chiqqanidi.
aldinqi aylarda amérika térrorluq teshkilatigha granatamyot, 80 we 120 millimétirliq zembirek, MK19 tipliq qol bombisi, M16 tipliq piyade eskerler miltiqi, Humwee tipliq herbiy aptomobillar we Cougar tipliq bironéwiklarni bergenidi.
türkiye köp qétim sétiwélishni telep qilghan bolushigha qarimay türkiyege sétip bérishni xalimighan amérikining térrorluq teshkilatigha FGM-148 Javelin tipliq tankigha qarshi bashqurulidighan bombilarni yardem qilishimu diqqet bilen közitilmekte.
p y d / p k k süriyening sherqiy shimaliy chégrasida térror karidori shekillendürüshni nishan qilmaqta.