israiliye xelqara edliye sotining qararigha pisent qilmay wehshiyane hujumni dawamlashturmaqta
xelqara edliye sotining rafah shehirige qaritilghan hujumni derhal toxtitish qararigha pisent qilmaywatqan israiliye qisimliri kéchiche ghezze rayonining her qaysi jaylirigha urush ayropilani, zembirek we tanka bilen hujum qildi.
türkiye awazi radiyosi xewiri: pelestinning resmiy xewer agéntliqi <WAFA> ning xewer qilishiche, hujum netijiside kichik balilar we ayallar bolup, nurghun sanda pelestin puqrasi qaza qilghan we yarilanghan.
israiliye urush ayropilanlirining rafah shehirining shimalidiki hirbet ads rayonida bir öyni bombardiman qilishi netijiside kichik balilar we ayallarni qoshqanda 6 pelestin puqrasi qaza qildi.
rafahtiki yefna panahlanghuchilar lagéri, kishta mehellisi we halal paziri qatarliq jaylar bilen ghezzediki nuseyrat we berij panahlanghuchilar lagérimu israiliye topchi qismi we tankilirining küchlük hujumigha uchridi.
israiliyening 7 - öktebirdin buyan ghezzege qiliwatqan wehshiyane hujumida az dégende 15 ming 239 kichik bala we 10 ming 93 ayalni qoshqanda, jemiy 35 ming 903 pelestin puqrasi öltürülüp, 80 ming 420 puqra yaridar qilindi.
bina xarabiliki astida hazirmu minglighan kishining jesetliri barliqi, xelq panahliniwatqan doxturxana, maarip organliri binaliri we ammiwiy ul eslihelirimu wehshiyane hujum nishani qiliniwatqanliqi melum.
