israiliye ghezzening shimalida intérnétni qesten üzülüp tashlidi
pelestin télégraf shirkitining paltél goruhi israiliyening hujumi astidiki ghezze rayonining shimalida intérnétning qesten üzülüp tashlanghanliqini bildürdi.
türkiye awazi radiyosi xewiri: paltél goruhining yazma bayanatida, israiliyening hujumlirining intérnét alaqe torigha éghir ziyan séliwatqanliqi bildürüldi.
bayanatta, hujum sewebidin ghezze shehiri we shimaliy rayonlarda muqim intérnét mulazimitining üzülüp qalghanliqi, alaqini eslige keltürüsh üchün etretlerning xizmitini dawamlashturuwatqanliqi bildürüldi.
israiliye 2023-yili 7 – öktebirdin buyan dawamlashturiwatqan wehshiyane hujumlirida ul eslihelernimu nishan qilghanliqi sewebidin ghezzening nurghun jaylirida intérnét alaqe üzülüp qaldi.
israiliyening ghezze rayonida élip bériwatqan wehshiyane hujumliri sewebidin rayonda su, yémeklik, dora, tok we yéqilghu teminati üzülüp qilish bilen teng yanfon, muqim téléfon we tor alaqisimu üzülüp qalmaqta.
