margarita roblés: «israiliye pelestinliklerge qarita heqiqiy irqiy qirghinchiliq qildi»

türkiye awazi radiyosi xewiri: ispaniye dölet mudapie ministiri margarita roblés ispaniye döletlik téléwiziye qanili <RTVE> gha bergen bayanatida: «ghezzede yüz bériwatqan ishlar heqiqiy irqiy qirghinchiliqtur» dégen sözlerni ishletti.

ispaniyediki kichik birleshme hökümet sumar ittipaqining ministirliri israiliyeni dawamliq «irqiy qirghinchiliq» bilen eyiblep kelgen bolup, bu qétim  ittipaqning asasliq shériki bolghan sotsiyalistik ishchilar partiyisi <PSOE> ning ministiri roblésmu tunji qétim israiliyeni«irqiy qirghinchiliq»  bilen eyiblidi.

roblés bayanatida yene, ispaniye hökümitining 28 - mayda ötküzülidighan ministirlar yighinida, «2014 - yili parlaméntta maqullanghan pelestin dölitini resmiy étirap qilish qarari» gha munasiwetlik bir soalgha jawab bérip, «pelestin dölitini étirap qilish tinchliq üchün bir wedidur. ikki döletning teng mewjut bolup turushigha bérilgen wedidur. bu israiliye dölitige qarshi emes. qandaqtur biz hörmetleydighan kishiler hésablinidighan israiliyeliklerge qarshi emes. bu ghezzediki zorawanliqni tügitishning kapaliti we tinchliqning kapalitidur» dédi.

roblés yene: «hemmimizning térrorluqqa qarshi turushtek ortaq nishanimiz bar, mesilining téximu diplomatik, téximu siyasiy dairisi kengdur.  emma hemmimiz térrorluqqa qarshi küreshning ichidimiz» dédi.