ebu obeyde bir top israiliye eskerlirini esir alghanliqini élan qildi
hamas herikitining qoralliq qaniti izziddin elqassam birigadaliri ghezzede élip barghan herikiti jeryanida tuzaqqa chüshürgen israiliye eskerliridin yéngi esirlerni alghanliqini élan qildi.
türkiye awazi radiyosi xewiri: elqassam birigadaliri bayanatchisi ebu obeyde sinliq bayanatida: «shenbe küni (25 - may) kechte elqassam jengchiliri israiliye eskerlirini jibaliye panahlanghuchilar lagéridiki bir tonélgha qiziqturup, murekkep bir heriket élip bardi» dédi.
jibaliye panahlanghuchilar lagéridiki tonéllarning biride bir top israiliye eskerlirini qorshiwalghanliqini bildürgen ebu ubeyde, israiliye eskerliri bilen nol musapidin toqunush yüz bergenlikini we yardemchi qisimlarning partilatquchlar bilen hujum qilghanliqini éytti.
ebu ubeyde tonilgha kirgen israiliye eskerliri bilen chiqqan toqunushta, ujuqtuurlghan, yarilanghan we esir élinghanlar bolup, hemmisining qolgha chüshkenlikini hemde israiliye eskerlerning qolidiki herbiy eslihelerningmu qolgha chüshürülgenlikini éytti.
ebu ubeyde söz qiliwatqan peytte, israiliye eskerlirining herbiy formiliri, qalpaq we qorallirining körünüshliri hembehirlendi hemde shu esnada tonéldiki herikette ujuqturulghan israiliye eskerlirini bashqa yerge yötkewatqanliqimu körsitildi.
israiliye eskerlirining 27 – öktebirdin buyan ghezzege qilghan quruqluq hujumi jeryanida, tunji qétim esir élinghanliqi bildürülmekte.
esirge élinghan israiliye eskerlirining sani heqqide héchqandaq melumat bérilmidi.
israiliye armiyesi bayanatchisi daniy xagari bolsa, eskerlerning esirge élinghanliqi toghrisidiki bayanatning toghra emeslikini ilgiri sürmekte.
