تۈركىيە بىلەن ئىراق تېررورىزمغا قارشى تۇرۇش ھەمكارلىقى توغرىسىدا سۆھبەتلەشتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى بايانات ئېلان قىلىپ، تۈركىيە ئارمىيەسىنىڭ ئىراقنىڭ شىمالىدا ئېلىپ بارغان ھەرىكەتلىرىنىڭ ئىراق بىخەتەرلىك قىسىملىرى بىلەن قويۇق ماسلىشىپ ئېلىپ بېرىلغانلىقىنى بىلدۈردى.

2-ئارمىيە قوماندانى لېيتېنانت گېنېرال مەتىن توكەل ۋە ئۇنىڭ ھەمراھلىقىدىكى ۋەكىللەر ئۆمىكىنىڭ ئىراق ئەمەلدارلىرى بىلەن چېگرا بىخەتەرلىكى يىغىنى ئاچقانلىقىغا ئىشارەت قىلىنغان باياناتتا: «<<پەنچە-قۇلۇپ> ھەربىي ھەرىكىتى رايونى چېگرالىرى ئىچىدە ئىراق يەرلىك ئەمەلدارلىرى بىلەن ئۆتكۈزۈلگەن يىغىندا، ئىراق-تۈركىيە چېگرا لىنىيەسىنىڭ بىخەتەرلىكى مۇزاكىرە قىلىندى ۋە ئىراق پۇقرالىرىنىڭ بىخەتەرلىكىگە كاپالەتلىك قىلىدىغان تەدبىرلەرمۇ مۇھاكىمە قىلىندى» دېگەن ئىبارىلەرگە ئورۇن بېرىلدى.