ئىستىخبارات ئىدارىسى سۈرىيەدە تېررورلۇق تەشكىلاتىغا ئەجەللىك زەربە بەردى
تۈركىيە ئىستىخبارات ئىدارىسى (MİT) سۈرىيەدە بۆلگۈنچى تېررورلۇق تەشكىلاتى پ ك ك/ي پ گ نىڭ مۇھىم ئۇل - ئەسلىھە، تەكشۈرۈش پونكىتى ۋە ئاتالمىش ھەربىي نۇقتىلىرىنى ئۆز ئىچىگە ئالغان 23 نىشاننى بىتچىت قىلدى.
![ئىستىخبارات ئىدارىسى سۈرىيەدە تېررورلۇق تەشكىلاتىغا ئەجەللىك زەربە بەردى](http://cdn.trt.net.tr/images/xlarge/rectangle/724c/42b7/e2a7/651e2f4862582.jpg?time=1719036347)
تۈركىيە ئاۋازى رادىيوسى خەۋىرى: تۈركىيە ئىستىخبارات ئىدارىسى ئىراقتا يۈز بەرگەن بىخەتەرلىك قىسىملىرىغا ھۇجۇم قىلىش ۋەقەسىدىن كېيىن، سۈرىيەدە بۆلگۈنچى تېررورلۇق تەشكىلاتى پ ك ك/ي پ گ نىڭ كونتروللۇقىدىكى ئاتالمىش ھەربىي، ئىستىخبارات، ئېنېرگىيە، ئۇل - ئەسلىھە ۋە ئوق-دورا ئىسكىلاتى قاتارلىق ئىستراتېگىيەلىك نىشانلارنى بىتچىت قىلىشتىن سىرت، تەشكىلاتنىڭ مەسئۇل شەخسلىرىگىمۇ نىشانلىق زەربە بەردى.
ئىستىخبارات ئىدارىسىنىڭ بۇ قېتىمقى ھەرىكىتى نەتىجىسىدە، سۈرىيەدىكى بۆلگۈنچى تېررورلۇق تەشكىلاتىنىڭ بەش ھالقىلىق ئۇل - ئەسلىھەسى، ئۈچ تەكشۈرۈش پونكىتى، سەككىز ئاتالمىش ھەربىي نۇقتىسى، ئىككى ئوق- دورا ئىسكىلاتى، ئىككى ئەشيا ئوبوروتى ئامبىرى، ئىككى تېخنىكىلىق ئاپتوموبىل ئىسكىلاتى ۋە بىر تونېل ھەمدە ئىستېھكام قۇرۇشتا ئىشلىتىلىدىغان ئاپتوموبىلى قاتارلىق جەمئىي 23 نىشان ۋەيران قىلىندى.
مۇناسىۋەتلىك خەۋەرلەر
![تۈركىيە تېررورچىلارغا زەربە بېرىشنى داۋاملاشتۇرماقتا](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719036347)
تۈركىيە تېررورچىلارغا زەربە بېرىشنى داۋاملاشتۇرماقتا
تۈركىيە تېررورلۇققا قارشى تۇرۇش كۈرىشىنى قەتئىي ئىرادە بىلەن ئۈزلۈكسىز داۋاملاشتۇرماقتا.