تۈركىيەنىڭ سۈرىيە چېگراسىدا بىر ئەسكەر شېھىت بولدى

تۈركىيە ئاۋازى رادىيوسى خەۋىرى: شانلىئۇرفا ۋالىيلىق مەھكىمىسى ئىجتىمائىي تاراتقۇ سۇپىسىدىكى ئادرېسىدا بايانات ئېلان قىلىپ: «سۇرۇچتىكى چېگرا مۇداپىئە پونكىتىمىزغا قىلىنغان خائىنلارچە ھۇجۇم نەتىجىسىدە بىر قەھرىمان ئەسكىرىمىز شېھىت بولدى، بىر ئەسكىرىمىز يارىلاندى» دېدى.

يارىلانغان ئەسكەرنىڭ رايوندىن تارقاقلاشتۇرۇلۇپ دوختۇرخانىدا بالىنىستقا ئېلىنغانلىقى بىلدۈرۈلدى.

چېگرا رايونىدىكى تۈركىيە ئارمىيەسى زەمبىرەكچى قىسىملىرى تېررورچىلارنىڭ ھۇجۇم قوزغىغان جايلىرىنى ھەر خىل تىپتىكى قوراللارنى ئىشلىتىپ ئوققا تۇتتى.

تۈركىيە جۇمھۇرىيىتى دۆلەت مۇداپىئە مىنىستىرلىقى، توپقا تۇتۇلغان جايدا دەسلەپكى ئېنىقلاشلارغا ئاساسلانغاندا 12 تېررورچىنىڭ بىر تەرەپ قىلىنغانلىقىنى ئۇقتۇردى.