ئەرەب بىرلەشمە خەلىپىلىكى تۈركىيە پۇقرالىرىنى كارانتىناغا ئېلىش تىزىملىكىدىن چىقاردى
ئەرەب بىرلەشمە خەلىپىلىكى كوۋىد-19 يۇقۇمىغا قارشى كۈرەش دائىرىسىدە، تۈركىيە پۇقرالىرىنى ئەبۇزەبىگە كىرگەندە كارانتىناغا ئېلىش تىزىملىكىدىن چىقىرىپ تاشلىدى.
![ئەرەب بىرلەشمە خەلىپىلىكى تۈركىيە پۇقرالىرىنى كارانتىناغا ئېلىش تىزىملىكىدىن چىقاردى](http://cdn.trt.net.tr/images/xlarge/rectangle/5cb1/27d0/3cd8/620c9a924ee8b.jpg?time=1719034052)
تۈركىيە ئاۋازى رادىيوسى خەۋىرى: تۈركىيەنىڭ ئەبۇزەبىدە تۇرۇشلۇق باش ئەلچىخانىسى تىۋىتتېر ھېسابىدا ئېلان قىلغان باياناتىدا، ئەرەب بىرلەشمە خەلىپىلىكىنىڭ كوۋىد-19 يۇقۇمىغا قارشى كۈرەش دائىرىسىدە يولغا قويغان ساياھەت تىزىملىكىنى يېڭىلىغانلىقىنى ئۇقتۇردى.
باياناتتا، <ئەرەب بىرلەشمە خەلىپىلىكى دائىرىلىرى تەرىپىدىن تۈركىيە قاتارلىق بىر تۈركۈم دۆلەتلەرنىڭ ئەبۇزەبىگە قىلغان ساياھەتلەردە كارانتىناغا ئېلىنىش بەلگىلىمىسى ئەمەلدىن قالدۇرۇلدى. تۈكىيەنىڭ يېشىل تىزىملىككە كىرگۈزۈلگەنلىكى ئېلان قىلىندى> دېيىلدى.
باياناتتا، تۈركىيەدىن ئەبۇزەبىگە بارىدىغان كىشىلەرنىڭ ئۇچۇشتىن 48 سائەت بۇرۇن پاسسىپ PCR سىنىقى قىلدۇرغان بولىشى تەلەپ قىلىنىدىغانلىقى ۋە ئەبۇزەبىگە بارغاندا قايتىدىن PCR سىنىقى قىلىنىدىغانلىقى بىلدۈرۈلدى.
تۈركىيەدىن ئەبۇزەبىگە بارىدىغان يولۇچىلار ئىچىدە 2 قېتىم كوۋىد -19 ۋاكسىنىسىنى ئەملىتىپ بولغانلارنىڭ 6-كۈنى شۇنداقلا 2 قېتىملىق ۋاكسىناسى تاماملانمىغانلارنىڭ بولسا، 6 - ۋە 9-كۈنلىرى PCR تەكشۈرۈشى قىلدۈرۇشى كېرەكلىكى ئۇقتۇرۇلدى.
ئەرەب بىرلەشمە خەلىپىلىكى دائىرىلىرى 3-يانۋاردا تۈركىيەنى ئۆز ئىچىگە ئالغان بىر قىسىم دۆلەتلەرنى يېشىل تىزىملىكتىن چىقىرىۋەتكەن ئىدى.
بۇ قارار بىلەن كوۋىد -19 ۋاكسىنىسىنى تاماملىمىغانلارنىڭ 10 كۈنلۈك كارانتىناغا ئېلىنىشى مەجبۇرىي ھالغا كەلتۈرۈلگەن ئىدى.
مۇناسىۋەتلىك خەۋەرلەر
![تۈركىيە تېررورچىلارغا زەربە بېرىشنى داۋاملاشتۇرماقتا](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719034052)
تۈركىيە تېررورچىلارغا زەربە بېرىشنى داۋاملاشتۇرماقتا
تۈركىيە تېررورلۇققا قارشى تۇرۇش كۈرىشىنى قەتئىي ئىرادە بىلەن ئۈزلۈكسىز داۋاملاشتۇرماقتا.