мудапиә министирлиқи, сочи келишимидин буйан бир тәрәп қилинған террорчилар санини елан қилди
түркийә җумһурийити дөләт мудапиә министирлиқи, ирақниң шималиға җайлашқан зап вә авашин – басйан районлирида п к к террорлуқ тәшкилатиниң 6 нәпәр террорчисиниң бир тәрәп қилинғанлиқини уқтурди.
түркийә авази радийоси хәвири: дөләт мудапиә министирлиқи тивиттердики адреси арқилиқ байанат берип, п к к террорлуқ тәшкилатиға зәрбә бериш һәрикәтлириниң қәтийлик билән давамлаштурулуватқанлиқини билдүрди.
байанатта, ирақниң шималиға җайлашқан зап вә авашин – басйан районлирида чарлаш вә көзитиш васитилири арқилиқ орунлири ениқланған 6 нәпәр п к к террорчисиниң һава һәрикити арқилиқ бир тәрәп қилинғанлиқи қәйт қилинди.
министирлиқниң йәнә бир байанатида, 2019 – йили 22 – өктәбирдә имзаланған сочи келишимидин тартип бүгүнгичә болған җәрйанда сүрийәдики тинчлиқ болиқи һәрбий һәрикити райониға соқунуп киришкә урунған п к к / й п г әзаси 998 террорчиниң бир тәрәп қилинғанлиқи билдүрүлди.
байанатта, командирлар тәрипидин 10 – ийунда орни ениқланған тонелларни қошқанда җәмий 161 километир узунлуқтики 1433 тонелниң пайдиланғили болмайдиған һаләткә кәлтүрүлгәнлики әскәртилди.
مۇناسىۋەتلىك خەۋەرلەر
әрдоған сенегалниң сабиқ пирезиденти маки сал билән көрүшти
җумһур рәис рәҗәп таййип әрдоған сенегалниң сабиқ пирезиденти маки сал билән телефонда көрүшти.