ئەردوغان شەرقىي ئاقدېڭىز توغرىسىدا مۇھىم سۆز قىلدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان شەرقىي ئاقدېڭىز ۋەزىيىتى ئۈستىدە توختالدى.

ئۇ: «تۈركىيەنىڭ ۋە قىبرىس تۈركلىرىنىڭ ھەق-ھوقۇقلىرىنى، مەنپەئەتلىرىنى چىقىش قىلمىغان ھەر قانداق ئىشنىڭ قىلىنىشىغا رۇخسەت قىلمايمىز. بۇ مەسىلىدە بارلىق تاللاشلار داۋاملىق تەييار ھالەتتە تۇرىدۇ» دېدى.

ئۇ سۈرىيەدە ئۇۋا تۇتقان تېررورلۇق تەشكىلاتى نۇقتىلىرى توغرىسىدا مۇنداق دېدى:

«چېگرايىمىزنى بويلاپ پەيدا قىلىنماقچى بولغان تېررورلۇق كارىدورىنى، جەرەبلۇس-ئافرىن لىنيەسىدە ۋە شىمالىي ئىراق لىنيەسىدە قانداق بىتچىت قىلغان بولساق، فىرات دەرياسىنىڭ شەرقىدىمۇ ئوخشاش شەكىلدە بىتچىت قىلىمىز.»