تۈركىيە تېررورچىلارغا زەربە بېرىش ھەرىكەتلىرىنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيە ئارمىيەسى، ئىراقنىڭ شىمالى بىلەن ھاككارىنىڭ يۈكسەكئوۋا تاغلىق رايونىدا ھاۋادىن زەربە بېرىش ھەرىكىتى ئېلىپ بېرىپ، بۆلگۈنچى تېررورلۇق تەشكىلاتى پ ك ك نىڭ پاناھلىنىش ئورۇنلىرى ۋە ئوق – دورا ئىسكىلاتلىرىنى يوقىتىپ تاشلىدى.

تۈركىيە جۇمھۇرىيىتى باش ئىشتاب باشلىقى بايانات بېرىپ، ئىراقنىڭ شىمالىدىكى سىنات – ھافتانىن، زاپ، خاكۇرك ۋە قاندىل رايونلىرى بىلەن ھاككارىنىڭ يۈكسەكئوۋا تاغلىق رايونىدا ئېلىپ بېرىلغان تۈنۈگۈنكى زەربە بېرىش ھەرىكىتىدە، بۆلگۈنچى تېررورلۇق تەشكىلاتى پ ك ك تەرىپىدىن ئۆڭگۈر، پاناھلىنىش ئورنى، ئىستىھكام ۋە ئوق – دورا ئىسكىلاتى قىلىپ ئىشلىتىلىۋاتقان رايونلارنىڭ يوقىتىپ تاشلانغانلىقىنى بىلدۈردى.