ئەردوغان بىلەن كۇۋەيت ئەمىرى كۆرۈشتى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان كۇۋەيت ئەمىرى شەيخ ساباھ ئەل جابىر ئەل ساباھ بىلەن تېلېفوندا كۆرۈشتى.

جۇمھۇر رەئىسلىك سارىيىنىڭ بىلدۈرۈشىچە، ئىككى رەھبەر تۈركىيە-كۇۋەيت مۇناسىۋەتلىرىدىن باشقا رايونلۇق مەسىلىلەر ئۈستىدىمۇ كۆرۈشكەن.

جۇمھۇر رەئىس رەجەپ تاييىپ ئەردوغان بىلەن كۇۋەيت ئەمىرى شەيخ ساباھ، ئىككى دۆلەت مۇناسىۋەتلىرىنى بۇنىڭدىن كېيىن تېخىمۇ كۈچەيتىشنىڭ ئەھمىيىتىنى بىردەك تەكىتلەشكەن.