زەيبەكچى ئامېرىكىنىڭ ئىران قارارىغا نارازىلىق بىلدۈردى
ئىقتىساد مىنىستىرى نىھات زەيبەكچى، ئامېرىكا قوشما ئىشتاتلىرى (ئا ق ش) نىڭ قارارىنىڭ تۈركىيە ئۈچۈن كۈچكە ئىگە ئەمەسلىكىنى ئېيتتى.
تۈركىيە ئاۋازى رادىيوسى خەۋىرى: ئىقتىساد مىنىستىرى نىھات زەيبەكچى، ئامېرىكا قوشما ئىشتاتلىرى (ئا ق ش) نىڭ ئىتتىپاقداشلىرىغا قىلغان ئىراندىن نېفىت ئىمپورت قىلىشقا خاتىمە بېرىش توغرىسىدىكى چاقىرىقى ھەققىدە توختىلىپ، ئا ق ش نىڭ قارارىنىڭ تۈركىيە ئۈچۈن كۈچكە ئىگە ئەمەسلىكىنى ئېيتتى.
ئا ق ش تاشقى ئىشلار مىنىستىرلىقىنىڭ بىر ئەمەلدارى «4 – نويابىرغىچە ئىراندىن نېفىت ئېلىشنى نۆلگە چۈشۈرۈڭلار» دېگەنىدى. نىھات زەيبەكچى مىنىستىرلىقتا ئۆتكۈزۈلگەن مۇخبىرلارنى كۈتۈۋېلىش يىغىنىدا بۇ ھەقتە ئىپادە بىلدۈرۈپ، «ئا ق ش سودا مىنىستىرلىقىنىڭ قارارلىرى بىز ئۈچۈن كۈچكە ئىگە ئەمەس. بىز تۈركىيەنىڭ مەنپەئەتلىرىگە مۇۋاپىق قارىغىنىمىز بويىچە ھەرىكەت قىلىمىز. بىز ب د ت نىڭ قارارلىرىغا بويسۇنىمىز. بىز پەقەت ب د ت قارارلىرىنى ئېتىراپ قىلىمىز، دوست ۋە قېرىنداش ئىراننىڭ زىيانغا ئۇچرىتىلماسلىقىغا كۆڭۈل بۆلۈشكە تىرىشىمىز» دېگەنلەرنى قەيت قىلدى.
مۇناسىۋەتلىك خەۋەرلەر
تۈركىيە تېررورچىلارغا زەربە بېرىشنى داۋاملاشتۇرماقتا
تۈركىيە تېررورلۇققا قارشى تۇرۇش كۈرىشىنى قەتئىي ئىرادە بىلەن ئۈزلۈكسىز داۋاملاشتۇرماقتا.