تۈركىيە ئارمىيەسى تېررورلۇق تەشكىلاتىنىڭ 12 نۇقتىسىنى بىتچىت قىلدى

تۈركىيە ئاۋازى رادىيوسى خەۋىرى: ئىراقنىڭ شىمالىغا جايلاشقان ھارقۇق، سىنات-ھاپتانىن، زاپ ۋە مەتىنا قاتارلىق رايونلارغا ئېلىپ بېرىلغان ھەربىي ھەرىكەتلەردە 12 نۇقتا بىتچىت قىلىندى.

تۈركىيە ئارمىيەسى تەرىپىدىن بۇ ھەقتە ئېلان قىلىنغان يازما باياناتقا ئاساسلانغاندا، ئىراقنىڭ شىمالىغا جايلاشقان ھارقۇق، سىنات-ھاپتانىن، زاپ ۋە مەتىنا قاتارلىق رايونلاردا تۈركىيە ئەسكەرلىرىگە ھۇجۇم تەييارلىقىدا تۇرۇۋاتقان تېررورچىلارغا ھەربىي ھەرىكەت ئېلىپ بېرىلغان.

بۇ رايونلارغا ئېلىپ بېرىلغان ھەربىي ھەرىكەتلەردە قونالغۇ، قورال-ياراغ ئىسكىلاتى بولۇپ 12 نۇقتا بىتچىت قىلىنغان.

بۇنىڭدىن تاشقىرى دىيارباكىردا بۆلگۈنچى تېررورلۇق تەشكىلاتى پ ك ك غا ئېلىپ بېرىلغان ھەربىي ھەرىكەتتىمۇ 2 تېررورچى بىر تەرەپ قىلىندى.

ھەربىي ھەرىكەتتە تېررورچىلارغا تەۋە 7 ئۆڭكۈر بىلەن 3 يۈرۈش تىزگىنەكلىك پارتلاتقۇچ ماددا ۋەيران قىلىندى.

ھەربىي ھەرىكەتتە يەنە M-16 تىپلىق پىيادە مىلتىقى، 3 پىلىمۇت، 356 تال ئوق، نۇرغۇن تاپانچا ۋە 2 تال قول بومبىسى ۋە نۇرغۇن ماتېرىيال قولغا چۈشۈرۈلدى.