تۈركىيە ئىسرائىلىيەنىڭ شەرقىي قۇددۇستىكى قىلمىشلىرىغا نارازىلىق بىلدۈردى

 تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقىدىن ئېلان قىلىنغان باياناتتا، ئىسرائىلىيەنىڭ ئىشغالىيىتى ئاستىدىكى پەلەستىننىڭ پايتەختى شەرقىي قۇددۇسنىڭ جەنۇبىدا، يەھۇدىي كۆچمەنلەر ئۈچۈن ئاساسلىق كۆپ قىسمى پەلەستىنلىكلەرنىڭ خۇسۇسىي مۇلكى بولغان جايلارغا 3000 يېڭى ئائىلە قورو سېلىشنى تەستىقلىغانلىقى ۋە بۇ قەدەمنى قاتتىق ئەيىبلەيدىغانلىقى بىلدۈرۈلدى. ئىسرائىلىيەنىڭ خەلقئارا قانۇننى ۋە بىرلەشكەن دۆلەتلەر تەشكىلاتىنىڭ ئالاقىدار قارارلىرىنى دەپسەندە قىلىش ئۈچۈن تاشلىغان بۇ قەدەملىرىگە رەددىيە بېرىدىغانلىقى تەكىتلەندى.

باياناتتا يەنە، «ئىسرائىلىيە پەلەستىن زېمىنىدا ئۇلتۇراق رايون قۇرۇلۇشى ئارقىلىق ئىشغالىيىتىنى ئۇزۇن مۇددەتلىك ھالغا كەلتۈرمەكچى ۋە ئېكىسپالاتاتسىيە قىلماقچى شۇنداقلا تىنچلىق باسقۇچىنىڭ ئاساسىنى يوقاتماقچى بولماقتا» دېيىلدى.