ئاۋستىرىيەدىكى تۈركىيە ئەلچىخانىسىنىڭ رېفېراندۇم تەييارلىقلىرى ئاخىرلاشتى
ئاۋستىرىيەدە ياشاۋاتقان تۈركلەرنىڭ جۇمھۇر رەئىسلىك ھۆكۈمەت تۈزۈمى تەكلىپ قىلىنغان ئاساسىي قانۇن رېفېراندۇمىغا 27-مارتتىن 9-ئاپرېلغىچە بېلەت تاشلىشى ئۈچۈن ئېلىپ بېرىلغان تەييارلىقلار ئاخىرلاشتى.
تۈركىيە ئاۋازى رادىيوسى خەۋىرى: ئاۋسترىيەدە 110 مىڭغا يېقىن تۈركىيە پۇقراسى بېلەت تاشلايدىغان بولۇپ، تۈركىيەنىڭ پايتەخت ۋىيېننادىكى ئەلچىخانىسى، برېگنېز ۋە سالزبۇرگ كونسۇلخانىلىرىدا ئاۋاز ساندۇقى تەسىس قىلىندى. ئاۋاز تاشلاش تاموژنا ئېغىزلىرىدا 27-مارت باشلىنىپ، 16-ئاپرېلغىچە داۋاملىشىدۇ.
تۈركىيەنىڭ ۋىيېننادا تۇرۇشلۇق باش ئەلچىسى تاييار قاغانئاتاي مۇنداق دېدى:
«بارلىق تەدبىرلەرنىڭ ئېلىنىپ، تەييارلىقلىرىمىزنىڭ ئاخىرلاشقانلىقىنى، ئاۋستىرىيەدىكى پۇقرالىرىمىزنىڭ خاتىرجەم ۋە بىخەتەرلىك ئىچىدە شۇنداقلا بېلىتىنى تېز تاشلىيالىشى ئۈچۈن، ئەلچىخانىمىز بىلەن باشقا شەھەرلەردىكى كونسۇلخانىلىرىمىزنىڭ كۆپ غەيرەت قىلغانلىقىنى بىلدۈرۈشنى خالايمەن.»
مۇناسىۋەتلىك خەۋەرلەر
تۈركىيە تېررورچىلارغا زەربە بېرىشنى داۋاملاشتۇرماقتا
تۈركىيە تېررورلۇققا قارشى تۇرۇش كۈرىشىنى قەتئىي ئىرادە بىلەن ئۈزلۈكسىز داۋاملاشتۇرماقتا.