بىنالى يىلدىرىم گېرمانىيەنى تەنقىد قىلدى
دۆلىتىمىز باش مىنىستىرى بىنالى يىلدىرىم گېرمانىيە ئىستىخبارات ئىدارىسىنىڭ ئۆرە تۇرۇپ ئۇخلاۋاتقانلىقىنى بىلدۈرۈپ: «ئىستىخبارات ئىدارىسىنىڭ بېشىدىكى ئادەم مۇشۇنداق بولسا، ۋاي ئىسىت گېرمانىيەگە» دېدى.
![بىنالى يىلدىرىم گېرمانىيەنى تەنقىد قىلدى](http://cdn.trt.net.tr/images/xlarge/rectangle/eb7d/1b3c/358a/58cf951a539ad.jpg?time=1719070016)
تۈركىيە ئاۋازى رادىيوسى خەۋىرى: باش مىنىستىر بىنالى يىلدىرىم ئەرزىنجاندا بىر گېزىتنىڭ زىيارىتىنى قوبۇل قىلغاندا، گېرمانىيە تاشقى ئىستىخبارات ئىدارىسى باشلىقىنىڭ فەتھۇللاھچى تېررورلۇق تەشكىلاتىنى ئاقلاشقا ئۇرۇنۇۋاتقانلىقى توغرىسىدا ئالاھىدە توختالدى. بىنالى يىلدىرىم: «گېرمانىيە ئىستىخبارات ئىدارىسىنىڭ بېشىدىكى ئادەم مۇشۇنداق بولسا، ۋاي ئىسىت گېرمانىيەگە، ئۇ فەتھۇللاھچى تېررورلۇق تەشكىلاتىدىن بىخەۋەر» دېدى.
بىنالى يىلدىرىم ئامېرىكا بىلەن رۇسىيەنىڭ تېررورلۇق تەشكىلاتى پ ك ك نىڭ سۈرىيەدىكى گۇماشتىسى ي پ گ نى قوللاۋاتقانلىقى ئۈستىدىمۇ توختالدى. ئۇ مۇنداق دېدى:
«پ ي د بىلەن ي پ گ، پ ك ك نىڭ نەۋرە ئىنىلىرى. تېررورلۇق تەشكىلاتى بىلەن مۇناسىۋەت ئورناتقانلار بىزنى ئويلىمايدۇ. تۈركىيە ئۆزىنىڭ مەۋجۇتلۇقى ۋە كېلەچىكى ئۈچۈن ھەر خىل تەدبىرلەرنى يولغا قويالايدىغان ئىقتىدارغا ۋە كۈچكە ئىگە دۆلەتتۇر.»
مۇناسىۋەتلىك خەۋەرلەر
![تۈركىيە تېررورچىلارغا زەربە بېرىشنى داۋاملاشتۇرماقتا](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719070016)
تۈركىيە تېررورچىلارغا زەربە بېرىشنى داۋاملاشتۇرماقتا
تۈركىيە تېررورلۇققا قارشى تۇرۇش كۈرىشىنى قەتئىي ئىرادە بىلەن ئۈزلۈكسىز داۋاملاشتۇرماقتا.