ئامېرىكا تۈركىيەنىڭ فەتۇللاھ گۈلەننى تەلەپ قىلغانلىقىنى ئاخىرى ئۇقتۇردى

جۇمھۇر رەئىس رەجەپ تاييىپ ئەردوغان ئامېرىكا قوشما ئىشتاتلىرى پىرىزېدېنتى باراك ئوباما بىلەن تېلېفوندا كۆرۈشتى.

كۆرۈشۈشتىن كېيىن ئاق ساراي تەرىپىدىن بۇ ھەقتە ئېلان قىلىنغان باياناتتا، تۈركىيەنىڭ فەتۇللاھ گۈلەننىڭ قايتۇرۇلۇشىنى رەسمىي تەلەپ قىلغانلىقى بىلدۈرۈلدى.

ئاق ساراي تۈركىيەدىكى ھەربىي-سىياسىي ئىسيانلىرىنى تەكشۈرۈش خىزمەتلىرىنى قوللايدىغانلىقىنى جاكارلىدى.