ئەردوغان بىلەن پۇتىن تېلېفوندا كۆرۈشتى

تۈركىيە ئاۋازى رادىيوسى خەۋىرى: جۇمھۇر رەئىسلىك سارىيى مەنبەلىرى، ئىككى رەھبەرنىڭ تېلېفون سۆھبىتىنىڭ «ئىنتايىن ئىجابىي» ئۆتكەنلىكىنى ئۇقتۇردى.

جۇمھۇر رەئىس ئەردوغان بىلەن رۇسىيە پىرېزىدېنتى پۇتىننىڭ تېلېفون سۆھبىتىدە، تۈركىيە – رۇسىيە ئارىسىدىكى ئىككى تەرەپ مۇناسىۋەتلىرىنىڭ نورماللاشتۇرۇلۇشىنىڭ ئەھمىيىتىنىڭ تەكىتلەنگەنلىكى، ئىككى تەرەپ مۇناسىۋەتلىرىنى قايتىدىن جانلاندۇرۇش ئۈچۈن كېرەكلىك قەدەملەرنى تاشلاش بىلەن بىرگە، رايوندىكى سىياسىي، ئىقتىسادىي ۋە ئىنسانىي كىرىزىسلەرگە قارشى ھەمكارلىق ئورنىتىشنىڭ ئەھمىيىتىگە ئىشارەت قىلىنغانلىقى بىلدۈرۈلدى.