үчинчи айродорумға бүгүн ул силиниду

үчинчи айродорумға бүгүн ул силиниду.
истанбулға селинмақчи болған үчинчи айродорумға дөлитимиз баш министири рәҗәп таййип әрдоғанму иштирак қилидиған алаһидә мурасим билән ул силиниду.
үчинчи айродорум «йаса, ишләт, өткүзүп бәр» системиси бойичә һөддигә берилгән болуп, айродорум пүткәндә йилиға 150 милйон йолучи тошуш иқтидариға игә болиду.
йеңи айродорум пүткәндә 165 йолучилар көврүкигә игә бекәтләр оттурисида релис йоли арқилиқ йолучи қатнайдиған 4 айрим - айрим бекәт бинаси болиду. 3 техника бинаси вә авиатсийә контирол суписи, 8 контирол мунари, һәр түрдики айропилан түрлиригә мас келидиған 6 мустәқил учуш йоли, 16 тәкси йоли, бирла вақитта 500 айропилан тохташ сиғимчанлиқиға игә бекәт суписи болиду.
айродорумниң көлими җәмий 6 милйон 500 миң кувадират метир келиду. қатнаш зали, йүк тошуш вә омумй авиатсийә бекити, дөләт меһманханиси, тәхминән 70 миң аптомубил сиғимчанлиқиға игә очуқ вә йипиқ аптомубил тохтитиш суписи, авеатсийә дохтурханиси, меһманханилар, от өчүрүш вә амбарлаштуруш мәркәзлири, мәсҗид вә ибадәтханилар, қурултай зали, електир истансилири, тазилаш вә әхләтләрни қайтидин пишшиқлап ишләш муәссәлири қатарлиқлардин тәшкил тапиду.
үчинчи айродорумға җәмий 10 милйард 247 милйон йавро мәбләғ кетидиғанлиқи мөлчәрләнмәктә вә 2018 – йили пүтүп ишқа кириштүрүлиши пиланланмақта.