ташқорғанда қаза қилғанларниң сани 8 гә йәтти

түркийә авази радийоси хәвири: хитай йәр тәврәшни көзитиш истансисиниң билдүрүшичә, қәшқәр вилайитигә қарашлиқ ташқорған таҗик аптоном наһийәсидә шу җай вақти саәт 5 тин 58 минут өткәндә 8 километир чоңқурлуқта мәйданға кәлгән йәр тәврәштә алди билән 4 кишиниң, кейин йәнә 4 кишиниң җәсити тепилған, шуниң билән, һайатидин айрилғанларниң сани 8 гә йәткән, 23 киши йариланған, йәр тәврәштә талапәткә учриған 12 миң кишидин 9 миң 200 киши райондин тарқақлаштурулған, вәқәдә 520 өй зийанға учриған, 800 һайван һалак болған.  

аптоном районлуқ сейсмологийә бийуросиниң билдүрүшичә, кейин йәнә 86 қетим қалдуқ йәр тәврәш мәйданға кәлгән, әмма ток билән су билән тәминләш хизмити тохтап қалмиған, талапәткә учриғанларға йемәк - ичмәк буйумлири йардәм қилинған.

игилинишичә, районда издәш – қутқузуш вә йардәм бериш паалийәтлири давамлашмақта икән.