уйғурлар дуч келиватқан бесим, һитит университетида күнтәртипкә кәлди

түркийә авази радийоси хәвири:һитит университети оқуғучилар уйушмиси тәрипидин чақирилған «түрк дунйаси бирлики вә шәрқий түркистанниң һәқиқити» темилиқ йиғинға уйғур академикләрдин әнқәрә университети тил, тарих, җоғрапийә факултети оқутқучиси дотсент доктор әркин әмәт әпәнди алаһидә тәклип қилинди.

әркин әмәт әпәнди йиғинда сөзлигән лексийәсидә хитайниң уйғурларға қаратқан семлатсийә сийасити үстидә тохтилип, «хитай һөкүмити уйғурлани асемлатсийә қилиш үчүн инсанниң әқлигә сиғмайдиған сийасәтләрни йүзгүзмәктә. 21 – әсирдә дунйаниң һечқандақ йеридә учратқили болмайдиған ғәлитә бесим сийасәтлири йолға қойулмақта. хитай алдинқи һәптә 27 түрлүк мусулманчә есимниң тезимликини елан қилп, уйғур мусулманларниң пәрзәнтлиригә мәзкур иисмларни қойушини мәний қилди. чәт әлдә оқуватқан оқуғучиларни мәҗбур мәмликәткә қайтуруп келиш үчүн аилисигә бесим ишләтмәктә» деди.

дотсент доктор әркин әмәт әпәнди түрк дунйаси бирлики үстидиму тохтилип, «мән 1991 – йилидин буйан түрк дунйасиға йиқиндин көңүл бөлүп келиватимән. мениңчә түрк дунйаси бириликини қуруш үчүн күлтүр асаси тәййар, бирақ буни иқтисадий җәһәттин толуқлийалмиғанлиқимиз үчүн түрк дунйаси бирликини қурғили болмай кәлмәктә» деди.

әркин әмәт ахирида, уйғур мәсилисиниң түркийә – хитай мунасивәтлиридә бәзидә унтулған, йәнә бәзидә алдинқи пиланға чиққан мәсилә болуп келиватқанлиқини әскәртти.